۸صبح، کابل: رسانههای تاجیکستان گزارش دادهاند که امامعلی رحمان، رییس جمهور این کشور، با ایمانقلی تاسماگامبتوف، دبیر کل سازمان پیمان امنیت جمعی، در مورد وضعیت افغانستان دیدار و گفتوگو کرده است.
خاور گزارش داده که این دیدار روز دوشنبه، ۲۲ حوت، در پایتخت تاجیکستان انجام شده است.
جزییات گفتوگوی امامعلی رحمان و ایمانقلی تاسماگامبتوف در مورد افغانستان نشر نشده است.
در این دیدار دو طرف روی ضرورت تقویت همکاریهای سیاسی، گسترش فعالیتهای بینالمللی سازمان پیمان امنیت جمعی و افزایش همکاریهای نظامی و اقتصادی گفتوگو کردهاند.
براساس اطلاعات نشر شده، رییس جمهور تاجیکستان و دبیر کل پیمان امنیت جمعی بر اهمیت تقویت کار همهجانبه برای مقابله با تهدیدهای امنیتی از جمله تروریسم، افراطگرایی، قاچاق مواد مخدر و جرایم سایبری تأکید کردهاند.
سفر دبیر کل سازمان پیمان امنیت جمعی به دوشنبه در حالی صورت میگیرد که اخیراً این سازمان از تجمع هزاران جنگجوی داعش در ولایتهای هممرز افغانستان با تاجیکستان خبر داده است.