سه منبع امنیتی تاجیکستان به رویترز گفتهاند که بازرسان روسی از خانوادههای چهار مرد متهم به انجام حمله مرگبار بر سالون کنسرت شهر «کروکوس» واقع در در نزدیکی مسکو، پایتخت روسیه، بازجویی کردهاند.
بازرسان روز سهشنبه، ۲۶ مارچ این بازجویی را انجام دادهاند.
منابع بدون افشای هویتشان گفتهاند که مقامهای امنیتی تاجیکستان، اعضای خانوادههای این متهمان را از شهرهای وخدات، گیسار و رودکی به دوشنبه، پایتخت این کشور انتقال دادهاند.
بربنیاد این گزارش، امامعلی رحمان، رییس جمهور تاجیکستان شخصاً از این بازجویی نظارت کرده است.
به گفته مقامهای روسی، دو تن از متهمان به شرکت در این حمله اعتراف کردهاند.
رحمان روز دوشنبه، ۲۵ مارچ در نخستین واکنش خود در مورد حمله چند روز پیش بر یک سالون کنسرت در نزدیکی مسکو، آن را «شرمآور و وحشتناک» خوانده است.
وی از شهروندان تاجیکستان خواست تا از گرویدن فرزندانشان به افراطگرایی جلوگیری کنند.
گفتنی است که اداره اطلاعات روسیه دستکم چهار شهروند تاجیکستان را به اتهام انجام این حمله بازداشت کرده است.
همچنان سه تن دیگر که احتمالاً شهروند تاجیکستان هستند، به اتهام همکاری با حمله کنندهگان بازداشت شدهاند.
در این حمله دستکم ۱۴۳ تن کشته و نزدیک به ۱۵۰ تن دیگر زخمی شدهاند.
داعش مسوولیت این حمله را بر عهده گرفته است.
این در حالی است که در اوایل ماه جاری، رییس جمهور تاجیکستان از فعالیت «گروههای اسلامگرای افراطی» در این کشور نگرانی کرده بود.