حزب‌الله و اسراییل اۉرته‌سیده تارتیشوو؛ فرانسه تشقی ایشلر وزیری لبنان گه تشریف بویردی
حزب‌الله و اسراییل اردوسی اۉرته‌سیده تارتیشوولر اوج آلگچ، فرانسه تشقی ایشلر وزیری استفان سژورنه، بو انقراض کوچلی اوروش گه اۉزگرمسلیگی اوچون لبنان گه تشریف بویردی
رویترز نینگ گزارشی اساسیده، فرانسه تشقی ایشلر وزیری ۲۸ اپریل، یک‌شنبه کونی لبنان گه تشریف بویرگن.
اوچ کون آلدین بلومبرگ آژانسی، اسراییل حزب‌الله گه قرشی اوروش اوچون بوتونلی تیارگرلیک کورگنینی یازگن بیرحالده، فرانسه تشقی ایشلر وزیری لبنان گه سفر قیلگن.
فرانسه اۉتمیشدن بېری لبنان سیاستیده رولی بار و بو کېسکین‌لیکلر گه چېک قوییلیشی اوچون سعی-حرکت قیلماقده.
بوندن آلدین فرانسه تشقی ایشلر وزیری حزب‌الله گروهیدن اۉز کوچلرینی لبنان جنوبی چېگره‌سی ۱۰ کیلومترلیگیدن اوزاقلشتیریب و تل‌آویودن لبنان جنوبی گه هجوملرینی توخته‌تیشینی اېسته‌گن اېدی.
رویترز نینگ گزارشی اساسیده، فرانسه بوتوغریده‌گی ریجه‌سینی متحد مملکت‌لر اینیقسه امریکا بیلن اۉرته گه قویگن اېدی هېچ نتیجه بیرمه‌گندی، بیراق پاریس مذاکره‌لرنی دوام بیریب لبنان رسمی‌لرینی اسراییل تهدیدلری جدی اوروش گه اۉزگریشی حقیده آگاه‌لنتیریش گه اۉرینماقده.
لبنان وقتینچه‌لیک دولت باش وزیری نجیب میقاتی و اوشبو مملکت نینگ اردو قوماندانی ژوزف اۉتگن هفته فرانسه جمهور باشلیغی امانویل مکرون بیلن اوچره‌شووده پاریس نینگ تکلیفینی محاکمه قیلگن اېدیلر.
فرانسه تشقی ایشلر وزیری لبنان گه سفری دن سۉنگ، سعودی عربستان و اسراییل گه سفر قیلیشی کوتیله‌دی.
