بیرلشگن ملتلر تشکیلاتی: دنیا ده ۳۰۰ میلیون دن آرتیق کیشی آزیق-آوقت حاد خوفسیزلیگی بیلن دوچ دیر
بیرلشگن ملتلر تشکیلاتی نینگ خلق‌ارا آزیق-آوقت دستوری، میلادی اوشبو ییلده دنیا مقیاسیده ۳۰۹ میلیون کیشی «آزیق-آوقت حاد خوفسیزلیگی» بیلن دوچ لیگینی اېتگن.
اوشبو نهاد ۳۰ ثور، یک‌شنبه کونی بیر گزارش ترقه‌تیب، دنیا بویلب ۴۵ مملکتده ۴۲ میلیون کیشی «اضطراری یا که آچلیکدن یامان احوال» ده‌لیگینی بیلدیرگن.
خلق‌ارا آزیق-آوقت دستوری گه کوره، اقلیم اۉزگریشی، توقنشوولر، تېنگ‌سیزلیک، کمبغل‌لیک و کرونا کسلی عاقبتلری دنیا ده بو کیشیلر نینگ آچلیک عاملی دیېلگن.
گزارش ده کېلیشیچه: «بو عامللر میلیون‌لب حمایه‌سیز آدملرنی آزیق-آوقت تامیناتیدن محروم قیلیب محتاج‌لر سانینی آشیرگن. خلق‌ارا آزیق-آوقت دستوری آچلیکّه یېچیم یول قیدیریش فعالیت‌لری گه دوام بیرماقده.»
بیرلشگن ملتلر تشکیلاتی نینگ معلوماتی اساسیده، آچ بولگن ۶۰ فایز اهالی توقنشوولردن تاثیرلنگن منطقه‌لرده تېریکچیلیک قیلماقده‌لر.
ایتیش کېره‌ک که بوندن آلدین خلق‌ارا آزیق-آوقت دستوری (WFP)، افغانستان نینگ جمعیتیدن یریمی یعنی ۱۹.۷ میلیون کیشی حاد آچلیگی بیلن دوچ‌لیگینی اېتگن.
