فاریاب ده هلاکتلی سوو تاشقینلری تلفاتی ۵۰ دن آرتیق کیشی گه یېتدی
۸صبح، فاریاب: فاریاب ده طابان محلی رسمی‌لری نینگ ایتیشلریچه، اوشبو ولایت مرکزی و بیر قطار تومنلریده ینگی سوو تاشقینلری عاقبتیده چمه‌سی ۴۱ کیشی قربان بولیب و باشقه بیش کیشی یره‌لنگن.
فاریاب ده طالبان طبیعی آفت‌لرنی باشقریش ایشلری بوییچه ریاستی گه کوره، ۲۹ ثور، شنبه دن یک‌شنبه گه اوتر کیچه مذکور ولایت مرکزی همده بل‌چراغ، خیبر و دولت‌آباد تومنلریده یوز بیرگن سوو تاشقینلری عاقبتیده بیش کیشی لادرک بولگنلر.
طالبان نینگ دستلبکی معلوماتی اساسیده، اوشبو طبیعی واقعه ده کمیده ۵۶۰ یشش اوی، ۸۵۰ جریب ایکینچیلیک ییر، ۱۱۰ دکان و بیر سیار کلینیک و ایکّی مینگ ۳۰۰ ثمره‌لی و ثمره‌سیز درخت یوق بولگن.
فاریاب ولایتی بل‌چراغ، المار، قیصا، پشتون‌کوت و خیبر تومنلریده جمعه کونگی سوو تاشقینلریده ۱۸ کیشی قربان بولگن.
سۉنگی هفته‌لرده مملکت نینگ تورلی ولایت‌لریده کوچلی یامغیرطفیلی سوو تاشقینلری، یشاوچیلر گه کوپ جانی و مالی نقصان یېتکیزگن.
