ایران جمهور باشلیغی و همراه هیأتی تیک‌اوچر قولشی عاقبتیده هلاک بولگنلر
ایران یېتکرمه‌لری تیک‌اوچرده‌گی برچه کیشیلر جمله دن اوشبو مملکت جمهور باشلیغی سیدابراهیم رییسی، تشقی ایشلر وزیری حسین امیر عبداللهیان و تبریز جمعه امامی آیت‌الله آل‌هاشم هلاک بولگنلری حقیده خبر بیرگن.
مهر آژانسی ۲۰ می، دوشنبه کونی اوشبو کیشیلر نینگ هلاک بولگنینی تصدیقله‌گن.
گزارش‌لر اساسیده، رییسی نینگ تیک‌اوچری تاغ بیلن توقنشیب قوله‌گن.
عین‌حالده، تسنیم آژانسی اوشبو واقعه قربان‌لری نینگ تانیش اوچون سعی-حرکتلر باشلنگنینی معلوم قیلگن.
بو گزارش ده کېلیشیچه: «افسوس بیلن تیک‌اوچر ده‌گیلردن هېچ بېری نینگ تیریکلیگی انیقلنمه‌گن و بیلگیلر اولر نینگ برچه‌سی هلاک بولگنیدن درک بیره‌دی.»
ایران رسمی‌لری اوشبو مملکت جمهور باشلیغی و همراه هیأتی نینگ هلاک بولگنینی رسمی طرزده حاضرگچه تصدیقلمه‌گنلر.
ایتیش کېره‌ک که بو تیک‌اوچر اۉتگن کون عصر پیتی ساعت ۳:۳۰ اطرافیده ایران نینگ شرقی آذربایجان ولایتی تاغلی منطقه‌سیده قولب توشگن.
