طالبان بیلن تعامل قیلیش اوچون یشاوچیلر نینگ نخبه‌لردن تنقید قیلیشی
افغانستان سیاسی محیطی ده اعتبارلرنی اوزی گه قره‌تگن حادثه‌لردن بیری یخشی نام و اجتماعی موقع اېگه بولگن سیمالر نینگ طالبان بیلن همکارلیک قیلیشی دیر؛ اولردن بیری طالبان یانیده کوریلگن حالده دنیا بویلب افغانستان فقرالری تامانیدن کېنگ کولمده تنقیدلر گه سبب بولیب و اولر نینگ کېچیریم سوره‌ش گه مجبور قیله‌دی. بو موضوع باعث آز سانده کیشی‌لر جرئت قیلیب و طالبان یانیده توخته‌یدی، حتا اولر نینگ طالبان یانیده حضوری نورمال و هر قنده‌ی همکارلیک قیلیش دن اۉزاق بولسه‌هم، بو گروه گه تسلیم بولیب و اولر گه بیعت قیلیش اوز جایی ده. عکسینچه حاضرگی قلتیس شرایط ده آیت‌الله واعظ‌زاده و مولوی عبدالشکور قندوزی نینگ سۉنگی سوزلری کبی اوشبو گروه دن تنقید قیلیش عموم ساحه ده محبوبیت گه سبب بوله‌دی.
بو احوال آچیقلنیشی و طالبان بیلن قصدی یا که اتفاقی یقینلش‌لردن بیری مشهد ده افغانستان قونسلگرلیگی ده محمدکاظم کاظمی نینگ حضوری و باشقه بیری تاشکینت ده افغانستان ایلچی‌لیگیده امیرجان صبوری نینگ حضوری دیر. افغانستان چېگره‌لریدن تشقری بوتون فارس تیللی توپراق‌لرده شهرت قازانگن معاصر شاعرلردن محمدکاظم کاظمی نینگ، طالبان تشقی ایشلر وزیری امیرخان متقی حضوری بیلن ییغیلیش ده قتنه‌شیشی دیر. گرچی کاظمی جنابلری او ییرده فقط تماشا بین صفتیده قتنشیب و هیچ سوز یوریتمه‌ی و طالبان دن حمایت قیلیش بیلگیسینی کورستمه‌دی، بیراق او ییرده اونینگ حضوری کېنگ کولمده تنقیدلر گه سبب بولیب و بو موضوع ایچکی و خلق‌ارا یېتکیرمه‌لرده منفی شکلده ترقه‌لدی، کیین اېسه او اۉزیدن دفاع قیلیش اوچون طالبان و او آره‌سیده هیچ قنقه مناسبت یوق‌لیگینی اېتدی. افغانستان نینگ مشهور اشوله‌چیسی و آهنگساز و دنیا بویلب فارسی تیللر آره‌سیده شهرت و محبوبیت قازانگن امیرجان صبوری، افغانستان سابق ایلچیسی بیلن خیرلش اوچون ایلچی‌لیک گه باریب و کیین اېسه طالبان وکیلی حضوری بولگن صورت‌لرده کوریلیشی، کېنگ کولمده تنقیدلر گه سبب بولیب و اونینگ بو ایشی صنعت و اشوله‌چیلر رسالتی گه خیانت دیب بهالندی. صبوری جنابلری اجتماعی و سیاسی ایشلر ده فکر-ملاحظه بیلدیریش گه عادتی بولمسه ده، بو مرته اونگه قره‌تیلگن تنقیدلر گه مناسبت بیلدیریب و اوشبو مراسم ده حضوری حقیده ایضاح کیریتیب و طالبان بیلن هیچ قنقه مناسبتی یوق‌لیگینی بیلدیریش گه مجبور بولدی. او سابق کبی صنعت گه حرمت قیلیب و اۉز رسالتی دن قول تارتمه‌یدی و طالبان نینگ صنعت‌ستیزلیک ایشی گه قرشی و بوتوغریده موضع‌سی اوزگرمه‌گنینی بیلدیردیږ
بوتوغریده باشلنگن کېنگ قمراولی مناظره‌لرده البته بیر قنچه بیلیمدان‌لر کاظمی و صبوری جنابلرینی حمایه قیلیب و اولر نینگ حضورینی بو درجه تنقید لایقی اېمسلیگینی ایتدیلر. بیر قنچه کیشی‌لر ادبیات و صنعت ساحه‌سیده بو ایکّی کیشی نینگ پارلاق ایشلری گه اشاره قیلیب بونده‌ی کیچیک ایشلر اولر نینگ ایشلری اوستیگه سلبی تاثیر قیلمه‌ی و اولرنینگ اورنی تنزل گه یوز توتمسلیگینی ایتگنلر. باشقه تاماندن تنقیدچیلر گه کوره، ادبیات و صنعت آدرسی دن شهرت قازانیش مسوولیتلی دیر و اېنگ آز مسوولیت صنعت، ادبیات و فرهنگ دشمنی بیلن بیر صف ده توریش دیر. تنقیدچیلر نینگ ایتیشلریچه، طالبان یانیده حضور تاپیش و فارس تیلی و صنعت بیلن دشمن‌لیکنی رسالت‌لری بیلگن گروه بیلن ایم-سیم و یانمه-یان توریش، فارس شعری و ادب گه بیر تور خیانت و صنعت و فرهنگ بوییچه بیرگن وعده‌سیدن واز کیچیش دیر.
بو نوت دن مقصد تنقیدچیلر یا که مدافعه‌چیلر نینگ موضع‌سی باره‌سیده داورلیک قیلیش اېمس چونکه اوقووچیلرسۉنگی کون‌لرده دلیللرنی کوریب چیققنلر، بلکه طالبان نینگ افغانستان جمعیتی بیلن بیر تور فکرده بولمسلیگی اینیقسه شعر، ادب، صنعت و فرهنگ گه قرشی بولیشی گه اشاره قیلیش دیر. منطقه و دنیا قدرت‌لری بو گروه بیلن تعامل قیلیش نیتی بولسه، افغانستان بوتون فقرالری نینگ فکرینی اۉرگنگن حالده طالبان بیلن تعامل قیلیش آغیر توشیب و بوتوغریده‌گی هر قنده‌ی دقت‌سیزلیک جمعیت ده اېنگ سیوملی شخص‌لر نینگ کۉز دن توشیشی گه سبب بولیشی ممکن. تنقیدچیلر نینگ سانی گه قره‌گنده افغانستان بوتون فقرالری طالبان دن نفرت‌لنیب و زوره‌وانلیک و تبعیض‌لی ایشلری گه اصلا قوشیلمه‌یدیلر و طالبان تامان اېنگ کیچیک قدم قویگن سیوملی شخصیت‌لرنی هم کیچیرمه‌یدیلر.
طرفداری کوپ بولگن یېتکیرمه‌لر و اجتماعی شبکه‌لر اوتمیش گه نسبتن آگاهی‌لیک و اطلاع بیریش نی توب دن اۉزگرتیرگن، کمچیلیک‌لر بیلن عموم اۉز فکرینی بیلدیریش اوچون دریزه آچگن. اوتمیش ده حکومت یېتکیرمه‌لری دولت سیاستی و بویروغی اساسیده اقدام قیلر اېدیلر و طالبان نینگ بیرینچی حاکمیتیده برچه نینگ آگاه‌لنتیریش اوچون هیچ دریزه یوق اېدی. بو مرته شرایط توب دن فرقلی دیر و نیچه ساعت اېچیده مردم نینگ بو گروه بیلن موضع‌سی یا تعامل قیلیشینی اورگه‌نیش ممکن. عموم کیشی‌لر اوشبو یول بیلن دولت رسمی‌لری نینگ موضع‌سینی کوتمسدن اۉز موضع‌لرینی بیلدیریش گه اولگورگن. افغانستان ده اوز فکر-ملاحظه‌سینی بیلدیریش یامان عاقبتی بولیشی بیلن، کوپ سانده کیشی‌لر اجتماعی ترماق‌لر آرقه‌لی فکر-ملاحظه‌لرینی بیلدیرماقده‌لر.
بو ایش جمهوریت تیزیمی ده شبهه‌لی سیمالردن بیرقطاری که طالبان گه بیعت قیلگن سکوت قیلیش گه مجبور قیلگن، طالبان حاکمیتیدن ایکّی ییل اوتگچ هیچ کیم طالبان یانیده کورینیش گه جرئت قیلمه‌یدی. شونینگدیک طالبان بیلن تعامل قیلیش ادعاسی بیلن اوشبو گروه خذمتی گه کیرگن برچه قوم‌لر گه منسوب سیمالردن بیرقطاری، یاشیرینچ یوللر آرقه‌لی مذکور گروه بیلن تعامل قیلیشلری تاکتیکی بولیب و قیته دن یشاوچیلر گه مراجعت قیلیش پیامینی ییتکیزگنلر. یشاوچیلر نینگ صنعت و ادبیات ساحه‌سیده محبوب سیمالر گه مناسبت‌لری عموم آگاهی‌لیگینی کورستیب و طالبان بیلن تعامل قیلیش آغیر توشیش دن درک بیردی، حتا سکوت قیلگن بولسه‌هم.
