طالبان تخار ده بیر عیال حقوقی فعالینی بیر هفته بېری زندانی قیلگن
۸صبح، کابل: محلی منبعلر تخار ده عیال حقوقی فعاللریدن بیری نسیمه سادات طالبان تامانیدن حبس گه آلینگنیدن خبر بیره‌دیلر.
منبعلر ۱۲ ثور، چهارشنبه کونی ۸صبح کونده‌لیگی گه ایتیشلریچه، نسیمه سادات اۉتگن هفته چهارشنبه کوندن بېری تخار ده طالبان تامانیدن حبس گه آلینگن.
منبعلر گه کوره، نسیمه سادات انچه ییلدن بېری تخار ده قیشلاق ده‌گی خاتین قیزلرنی یاشیرینچ طرزده، عایله‌وی زوره‌وانلیک آلدی آلینیشی و قانونی یاشنی تولدیرمسدن جبری تورموش گه چیقریش حقیده «اویمه-اوی» آگاهی‌لیک بیرماقده اېدی.
منبعلر نینگ کوپه‌یتیریشیچه، طالبان اوشبو عیال حقوقی فعالینی ۱۰ یاشر قیزینی محلی بویوک‌لردن بیری گه تومورش گه چیقریش اوچون قرار قیلگن عایله اعضالری گه آگاهی‌لیک بیریش پیتیده، تخار ولایتی بهارک تومنی حدودلری «گل‌میش» قیشلاغیدن قولگه آلیب و اوشبو گروه نینگ امر معروف و نهی منکر ریاستی گه تاپشیرگنلر.
طالبان جنگری‌لری، نسیمه سادات نی قوییب یوباریش اوچون بو گروه نینگ امر معروف و نهی منکر ریاستی گه مراجعت قیلگن بیرقطار عیاللرنی هم قییناقلهگنینی معلوم قیله‌دیلر، منبعلر.
نسیمه سادات بیش باله آنه‌سی دیر.
طالبان بوتوغریده حاضرگچه فکر-ملاحظه بیلدیرمه‌گن.
ایتیش کېره‌ک که طالبان ایکّینچی مرته قدرت نی آلگنیدن بېری، هردایم مملکت بویلب عیال حقوقی فعاللرینی حبس گه آلیب و قییناق‌لماقده.
شو بیلن بیرگه، طالبان بو قیلمیش‌لری برابریده هېچ بیر انسان حقوقی نهادلری گه اۉزلرینی جواب‌گر بیلمه‌یدیلر.
