اوراسیا تایمز کونده‌لیگی: افغانستانده ۲۳ تروریستی بویوک گروه فعال دیر
۸صبح، کابل: اوراسیا تایمز کونده‌لیگی طالبان حاکمیتیده افغانستانده ۲۳ «تروریستی» بویوک گروه فعالیت قیلماقده‌لیگی حقیده گزارش بیرگن.
اوشبو گزارش ۲۷ ثور، پنج‌شنبه کونی ترقه‌لگن کېلیشیچه، بو گروه‌لر افغانستانده فعال بولیب و باشقه مملکتلر نینگ منفعتی گه قرشی هجوم اۉیوشتیره‌دیلر.
بو گزارش ده پاکستان طالبان تحریکی، داعش خراسان، القاعده، شرقی تورکستان اسلامی حرکتی، اۉزبېکستان اسلامی حرکتی، تاجیکستان طالبان تحریکی و بلوچ راجی آجوی سنگر گروه دن آت توتیلگن.
مذکور گزارش ده کېلیشیچه: «القاعده افغانستاندن رهبریت بولیب و اۉز هجوملرینی ریجه‌لشتیره‌دی.»
بو کونده‌لیک بیرلشگن ملتلر تشکیلاتی گزارشیدن نقل قیلیب یازیشیچه، القاعده غزنی، لغمان، پروان و ارزگان ولایت‌لریده سکیز ینگی تعلیمی کمپ قورگن.
افغانستانده طالبان ایکّینچی مرته قدرت نی آلگنیدن سۉنگ، خلق‌ارا تشکیلات‌لر و مملکتلر اینیقسه امریکا قۉشمه ایالتلری هر دایم مملکتده «تروریستی گروه‌لر» نینگ فعالیتی کوچه‌یشیدن خواطر بیلدیرگن.
