طالبان: الله‌گل مجاهد قتل گه عیبلنگن و حبس ده قاله‌دی
۸صبح، کابل: طالبان گه کوره، سابق حکومت ملی کینگش اعضاسی الله‌گل مجاهد، «قاری سعیدالله» اسملی کیشینی اۉلدیریش گه عیبلنگنی اوچون حبس ده قاله‌دی.
کابل ده طالبان امنیه قوماندان‌لیگی سۉزلاوچیسی خالد زدران ۲۳ ثور، یک‌شنبه کونی ایکس صحیفه‌سیده، الله‌گل مجاهد تدقیقات یکونی و اوشبو گروه محکمه‌سی حکم صادر قیلمه‌گونچه حبس ده قالیشینی یازگن.
الله‌گل مجاهد اۉتگن ییل ۹ حوت ده «قاری سعیدالله» نی اۉلدیرگن‌لیگینی ادعا قیلگن، خالد زدران.
شو بیلن بیرگه، طالبان مذکور گروه تامانیدن سابق حکومت ملی کینگش اعضاسی قولگه آلینیش زمانی حقیده هېچ نرسه دیمه‌گن.
الله‌گل مجاهد طالبان نینگ ایکّینچی مرته حاکمیت نی قولگه آلیش بیرینچی کونلریده بو گروه تامانیدن قولگه آلینیب و قییناق‌لنگن اېدی، بیراق طالبان تورمه‌خانه‌سیدن آزاد قیلینگچ مملکت نی ترک اېتگن اېدی.
برچه‌سی بیلن، مجاهد اۉتگن ییل سرطان آی ده طالبان رژیمی شخصیت‌لر بیلن تماس کمیسیونی نینگ تکلیفی اساسیده مملکت گه قیتیب و او زمان طالبان حکومت اعضالری نینگ بیرقطاری تامانیدن کوتیب آلینگن اېدی.
افغانستانده بیرلشگن ملتلر تشکیلاتی نینگ اۉرین باسرلیک نماینده‌لیگی (یوناما) موسمی سۉنگی گزارشیده، طالبان رسمی‌لری تامانیدن عمومی کیچیریم اعلام بولگن بولسه ده، مملکتده بو گروه تامانیدن مقاملر و سابق حکومت حربی‌لری نینگ اۉز باشیمچه‌لیک طرزده قولگه آلینیش، قییناق‌لش، یامان مناسبت و قانون دن تشقری اۉلدیریش دوام اېتماقده‌لیگینی اېتگن اېدی.
