فاریاب ده ناتانیش قوراللی کیشیلر بیر آته و بیر اوغلینی آتیب اۉلدیرگنلر
۸صبح، کابل: فاریاب: محلی منبعلر فاریاب ولایتیده ناتانیش قوراللی کیشیلر بیر آته و بیر اوغلینی آتیب اۉلدیرگنلرینی اېته‌دیلر.
منبعلر نینگ ۸صبح کونده‌لیگی گه ایتیشلریچه، ناتانیش قوراللی کیشیلر ۱۹ ثور، چهارشنبه کونی فاریاب مرکزی میمنه شهری نینگ ولایتی کسلخانه‌سی یقینیده اۉز دکانلری ایچیده ۷۰ یاشر بیر کېکسه کیشی و ۱۰ یاشر بیر اوغلینی آتیب اۉلدیرگنلر.
منبعلر، اوشبو واقعه قربان‌لر نینگ آت‌لری محمدقربان و امیرمحمد دیب ایتیشلریچه، محمدقربان اۉتمیش‌لردن بېری بو منطقه ده دکاندارلیک قیلیب کېلگن.
بو ایکّی کیشی نینگ اۉلدیریلیش سببی حاضرگچه انیقلنمه‌گن.
فاریاب ده طالبان معلومات ومدنیت باشلیغی مولوی شمس‌الله محمدی، مذکور ایکّی کیشی اۉلدیریلیشینی تصدیقلب، واقعه گه دایر بیر کیشی قولگه آلینگنینی اېته‌دی.
تورت کون آلدین ناتانیش قوراللی کیشیلر اوشبو منطقه ده سابق حکومت بیر حربی‌سینی آتیب اۉلدیرگن اېدیلر.
