یوناما: قریب ایکّی آی ایچیده افغانستانده داعش نینگ هجوملری عاقبتیده ۴۰ گه یقین کیشی هلاک بولگن
۸صبح، کابل: افغانستانده بیرلشگن ملتلر تشکیلاتی نینگ نمایندهلیگی (یوناما) میلادی اوشبو ییل نینگ جنوری آی دن مارچ آی گه قدر افغانستانده داعش نینگ هجوملری عاقبتیده کمیده ۳۶ کیشی هلاک بولیب و باشقه ۱۱۸ کیشی یرهدار بولگنینی اعلام قیلگن.
یوناما ۱۳ ثور، پنجشنبه کونی طالبان حاکمیتیده افغانستانده انسان حقلری وضعیتی گه دایر بیرلشگن ملتلر تشکیلاتی خوفسیزلیک کینگشی نینگ بویروغی بیلن ترقهتگن گزارشیده، بو هجوملرده کوپراق شیعهلر نشانگه آلینگنینی بیلدیرگن.
اوشبو گزارش اساسیده، ۶ دن ۱۱ جنوری گه قدر، کابل شهری ده اوچ قول بمبی پارتلب و چمهسی ۷۹ کیشی نینگ اۉلیب و یرهلنیشی گه سبب بولگن.
یوناما نینگ کوپهیتیریشیچه، ۶ جنوری ده کابل غربی قسمی دشتبرچی منطقهسیده یولاوچی تاشووچی بیر بس ده ییرلشتیریلگن ماین پارتلشی عاقبتیده بیش تینچ اهالی هلاک بولیب و باشقه ۲۰ کیشی یرهلنگن.
شونینگدیک ۹ جنوری ده کابل شهری «الوخیل» منطقهسیده طالبان تورمهخانهلر ادارهسی خادملری بولگن موترده ییرلشتیریلگن ماین پارتلشیده اوچ کیشی هلاک بولیب و ۱۳ کیشی یرهلنگن.
گزارش اساسیده، ۱۱ جنوری ده کابل شهری دشتبرچی قسمیده تجارتی بیر مارکیت ده اۉیوشتیریلگن پارتلش که قندهیلیگی انیقلنمهگن، اوچ کیشی اۉلیب و ۲۱ کیشی یرهلنگن.
بو هجوم قربانلری عیاللر و بالهلر دییلگن.
یوناما نینگ معلوماتلری گه کوره، قندهار ده کابل بانک نمایندهلیگی یقینیده اۉیوشتیریلگن خودکش هجومده ۲۵ کیشی اۉلیب و ۵۰ کیشی یرهلنگن.
بو هجوم ۲۱ مارچ ده یوز بیرگن اېدی.
برچه هجوملر مسوولیتینی داعش گروهی تن آلگن.
ایتیش کېرهک که مارچ آی دن سۉنگ کابل و هرات داعش نینگ هجوملری گواهی بولگن.
ینگیلیکده، ۱۰ ثور، دوشنبه کونی شام پیتی، داعش گه منسوب قوراللی کیشیلر هرات ولایتی گذره تومنیده شیعهلر مسجدی گه هجوم قیلیب، عیاللر و بالهلر شامل آلتیشی کیشی نینگ اۉلیمی و بیر کیشی نینگ یرهدار بولیشی گه ضامن بولدی.
طالبان هردایم افغانستانده داعش گروهی جنگریلری نینگ فزیکی حضورینی رد قیلگن بیرحالده، داعش هجوملری طفیلی قربان بولگنلر نینگ رقمی شریک قیلینگن.