۸صبح، لوگر: سیلاب در ولایت لوگر، ساختمان ۲۴ مکتب را تخریب کرده است که در نتیجه آن، بیش از ۱ هزار دانشآموز از رفتن به مکتب محروم شدهاند.
مسوولان ریاست معارف ولایت لوگر روز شنبه، ۵ سنبله، میگویند که وقوع سیلابهای پیهم در این ولایت سیستم آموزشی را مختل کرده است.
محمد شاهپور عرب، سخنگوی ریاست معارف ولایت لوگر، میگوید که در نتیجه سیلابهای اخیر لیسه شهیدان روستای پاد خواب شانه، لیسه حصارک، لیسه خصوصی بلال حنیف، مکتب برکی راجان، مکتب قلعه جابر، مکتب شاه مزار، مکتب سجاوند، مکتب پاد خواب روغنی، مکتب اناث برکی برک، لیسه قلعه کهنه، مکتب دسپجک و مکتب خواجه بلند ولسوالی چرخ تخریب شده است.
به همین ترتیب، مکاتب منی و دوبندی ولسوالی خوشی، تنگی واغجان ولسوالی محمد آغه، ازره سنگی باران، اکبرخیل، موسا خان، معروف خیل، خروار، خواجه انگور، آریاخیل و علی جان خیل تخریب شده است.
گفته میشود که با تخریب این مکاتب، میلیونها افغانی به معارف ولایت لوگر زیان وارد شده است.
مسوولان معارف این ولایت از نهادهای امدادرسان ملی و بینالمللی میخواهند تا برای ساختوساز و بازسازی این مکاتب کمک کنند.
گفتنی است که سیلابهای اخیر در دیگر ولایتها نیز تلفات جانی و خسارات هنگفت مالی در پی داشته است.