سمنگان ده بیر ییگیت سِرلی شکلده اۉلدیریلدی
۸صبح، سمنگان: محلی منبعلر سمنگان ولایتیده بیر یاش ییگیت سِرلی شکلده اۉلدیریلگنیدن خبر بیره‌دیلر.
منبعلر نینگ ۸صبح کونده‌لیگی گه ایتیشلریچه، بو یاش ییگیت ۲۸ حمل، سه‌شنبه کیچه سمنگان ولایتی مرکزی ایبک شهری حدودلری «دره زندان» قیشلاغیده اۉلدیریلگن.
نصیراحمد آتی بولگن اوشبو ییگیت پیچاقلنیب اۉلدیریلگن.
منبعلر گه کوره، نصیراحمد نینگ «آزاد وظیفه»سی بار اېکن.
سمنگان ده طالبان امنیه قوماندان‌لیگی مذکور واقعه نی حاضرگچه تصدیقلمه‌گن.
بو ییگیت نینگ اۉلدیریلیش سببی و عامللری حاضرگچه نامعلوم.
طالبان ایکّینچی مرته قدرت نی آلیشیدن سۉنگ، مملکت بویلب سِرلی قتللر سانی سېزیلرلی درجه ده آشگن.
ترقه‌لگن گزارش‌لر گه کوره، اوشبو هفته ایچیده ایبک شهری ده ایکّی سِرلی قتل واقعه‌سی قید اېتیلگن.
