بلخ ده طالبان جنگری‌لری بیر دکاندارنی «پیچاقلب» اۉلدیردیلر
۸صبح، سمنگان: محلی منبعلر سمنگان ده طالبان کندک قوماندانی مولوی جلال قوریقچیلری، بلخ ولایتیده بیر کیشینی پیچاقلب اۉلدیرگنیدن خبر بیرگنلر.
منبعلر نینگ ۸صبح کونده‌لیگی گه ایتیشلریچه، مفتاح آتی بولگن مقتول ۲۶ حمل، یک‌شنبه کونی مزارشریف شهری نینگ بیرینچی ناحیه حدودلریده اۉلدیریلگن.
مفتاح سمنگان ولایتی مرکزی ایبک شهریده دکانی بولیب و «دکان بویوملرینی» ساتیب آلیش اوچون بلخ ولایتی گه بارگن اېدی دیېدیلر» محلی منبعلر.
عین‌حالده، بلخ ده طالبان امنیه قوماندان‌لیگی بیر بیانیه ترقه‌تیب بو کیشی «زنا قصدی بیلن» بیر اوی گه کېرگن اېکن و اولر نینگ جنگری‌لری بیلن توقنشووده اۉلگنینی معلوم قیلگن.
بیانیه اساسیده، اوشبو توقنشوو ده طالبان بیر جنگریسی یره‌لنگن.
شو بیلن بیرگه، محلی منبعلر طالبان نی بوتوغریده «یالغان» اېتیشگه عیبلب ایتیشلریچه، مولوی جلال قوریقچیلری مذکور کیشینی «شخصی دشمن‌لیک» سبب اۉلدیرگنلر.
ایتیش کېره‌ک که طالبان افغانستانده ایکّینچی مرته قدرت نی آلگنیدن بېری هردایم انسان حقوقینی ایاغ آستی قیلیش گه عیبلنیب و انده-سنده فقرالرنی صحرایی محکمه قیلگنلر.
بو گروه اۉتگن ییل ۳۰ قوس ده سمنگان ده بیر کیشینی «قمار اوریش» عیبی بیلن آتیب اۉلدیرگن اېدی.
