«ییر کونی»؛ گوترش: اقلیم اۉزگریشی ییرنی تهدید قیلهدی
بیرلشگن ملتلر تشکیلاتی باش کاتبی آنتونیو گوترش «ییر کونی» مناسبتی بیلن ایتیشیچه، اقلیم اۉزگریشی، هوا افلاسلنیشی و تورلیخیل یشش، ییرنی تهدید قیلهدی.
گوترش ۲۲ اپریل، دوشنبه کونی ایکس صحیفهسیده اقلیم اۉزگریشی و طبیعی واقعهلردن ییر قوریقلنیشی اوستیگه تاکید اېتگن.
بیرلشگن ملتلر تشکیلاتی باش کاتبی نینگ کوپهیتیریشیچه: «ییر کونیده، سیارهمیزنی قوریقلشیمیز کېرهک؛ سیارهمیز اقلیم اۉزگریشی، هوا افلاسلنیشی و تورلیخیل یشش باعث تهدید بولماقده، متحد بولیشیمیز لازم.»
ایتیش کېرهک، افغانستان اقلیم اۉزگریشی و طبیعی واقعهلردن اېنگ کوپ زیان کورهدیگن ۱۰ مملکت قطاری گه کېرهدی.
بیرلشگن ملتلر تشکیلاتی نیچه مراتبه اقلیم اۉزگریشی افغانستان خلقی نینگ تېریکچیلیگی اوستیگه سلبی تاثیر قیلگنیدن آگاهلنتیریب و دنیا همجمعیتدن مملکتده سلبی عاقبتلری گه قرشی کورهش اوچون یاردم بیریشینی اېستهگن.
بیرلشگن ملتلر تشکیلاتی نینگ آبوهوا اۉزگریشی ۲۸-کنفرانسی اۉتگن ییل ۳۰ نوامبر دن ۱۲ دسامبرگچه دبی ده یولگه قوییلگن اېدی، دنیا ییتکچیلری، یشش محیط فعاللری، تدقیقاتچیلر، بویوک کمپنیهلر اېگهلری و دنیا دهگی ۲۰۰ گه یقین مملکتلر نینگ وکیللری اشتراک اېتگن اېدیلر.
شو بیلن بیرگه، افغانستان اقلیم اۉزگریشیدن زیان کورگن مملکتلردن بیری دیر، مشروع دولتی یوقلیگی اوچون بو ییغیلیشده اشتراک اېته آلمهگن اېدی.