بدخشان ده پارتلش؛ طالبان نینگ ییتّی جنگریسی هلاک بولدی
۸صبح، بدخشان: بدخشاندهگی محلی منبعلر نینگ ایتیشلریچه، اوشبو ولایتده صادر اېتیلگن پارتلش عاقبتیده طالبان نینگ کمیده ییتَی جنگریسی هلاک بولیب و باشقه ۱۶ جنگریسی یرهلنگن.
بو پارتلش ۱۹ ثور، چهارشنبه کونی توشدن آلدین ساعت ۱۱:۴۰ اطرافیده، فیض آباد شهری نینگ اوچینچی ناحیهسی حدودلری «کهنه شهر پل جوزون» منطقهسیده صادر بولگن.
منبعلر گه کوره، موتر سایکل دهگی بمب اۉرنهتووچی بدخشان ولایتیده طالبان امنیه قوماندانلیگی بنگیوار مادهلر گه قرشی کورهش خادملرینی نشانگه آلگن.
بدخشان ولایتی کسلخانهسیدهگی ساغلیق منبعلر نینگ ۸صبح کوندهلیگی گه ایتیشلریچه، طالبان نینگ کمیده ییتّی جنگریسی نینگ جسدلری و اوشبو گروه نینگ یرهدار بولگن جنگریلریدن بیرقطاری اوشبو کسلخانه گه آلیب کېلینگن.
واقعه طفیلی یرهدار بولگنلر آرهسیده تینچ اهالی شامل دیر.
اوشبو پارتلش قربانلر نینگ رقمی آشیشی ممکن دیېدی، منبعلر.
بدخشان یشاوچیلری گه کوره، امبولانسلر واقعه ده یرهدار بولگنلرنی کسلخانه گه آلیب بارماقده و فیضآباد شهری حربی حالت نی اۉزیگه آلگن.
واقعه دن سۉنگ بیر نیچه دقیقه اوق آوازی اېشیتیلگن.
بدخشانده طالبان معلومات و مدنیت باشلیغی ذبیحالله امیری، اوشبو پارتلشنی تصدیقلب بوتوغریده کېین معلومات بیریشینی اېتگن.
اوشبو پارتلش مسوولیتینی حاضرگچه هېچ بیر گروه تن آلگن بولمسه ده، بیراق بدخشان ولایتیده طالبان گه ضد حربی جبههلر فعالیت قیلیب و انده-سنده بو گروه نی نشانگه آلهدیلر.