ایران انسان حقلری تشکیلاتی: شیراز ده بیر افغان و اوچ ایران‌لیک دار گه آسیله‌دی
۸صبح، کابل: ایران انسان حقلری تشکیلاتی، افغانستان‌لیک بیر کیشی شامل تورت محبوس دار گه آسیلیشی اوچون، شیراز مرکزی تورمه‌خانه‌سیده علیحده اتاق‌لر گه آلیب باریلگنینی معلوم قیلگن.
بو تشکیلات ۲۹ ثور، شنبه کونی بیر بیانیه ترقه‌تیب اوشبو تورت کیشی «بنگی‌وار ماده» یا که «قصدی قتل» قیلیش گه عاید جرم‌لر گه عیبله‌نیب دار گه آسیلیش جزاسی گه محکوم بولگنلر.
ایران رسمی‌لری بوتوغریده حاضرگچه فکر-ملاحظه بیلدیریشمه‌گن.
مذکور تشکیلات نینگ معلومات‌لری اساسیده، ایران ده بنگی‌وار ماده‌لرنی قاچاق قیلیش گه عیبلنیب دار گه آسیلگنلر سانی میلادی ۲۰۲۲ ییلگه نسبتن ۲۰۲۳ییل ده ۸۴ فایز آشگن.
۲۰۲۳ ییلده ایران ده افغانلر شامل چمه‌سی ۴۷۱ کیشی بنگی‌وار ماده‌لرنی قاچاق قیلیش عیبی بیلن دار گه آسیلگن، عین‌حالده بو رقم میلادی ۲۰۲۲ییلده ۲۵۶ کیشی بولگن.
