فیصل شایسته قۉشیمچه فدراسیون نینگ بېش اۉیینچیسی افغانستان فوتبال تیمینی تحریم قیلدیلر
مملکت ملی فوتبال تیمی نینگ کاپیتانی فیصل شایسته، افغانستان فوتبال فدراسیونیده فساد بارلیگی سبب ملی تیمده اۉینه‌مسلیگینی بیلدیردی.
شایسته ۲ -عقرب سه‌شنبه کونی فیس‌بوک صحیفه‌سیده ادعا قیلیب یازیشیچه، افغانستان فوتبال فدراسیون مسووللری فوتبالچیلر پولینی «اۉز چۉنتکلریگه» اوره‌دیلر.
فیصل شایسته، مملکت فوتبال فدراسیونی نینگ کۉپینچه خادملری حقوقلریگه اېریشمه‌گنلر؛ لیکن مسووللر اۉیینچیلرنینگ ۳۰مینگ دالر ساوغه‌سینی حیف و میل قیلگنلر دېب ادعا اېتگن.
مملکت فوتبال ملی تیمی نینگ اۉیینچلری ذوالفقار نظری، رحمت اکبری، نجم حیدری، امید پوپلزی و عمران حیدری بوندن بویان افغانستان اوچون فوتبال قیلمسلیکلری حقیده قرار قبول قیلگنلر.
فوتبال فدراسیونی هنوز بو ادعا تۉغریسیده بیرار نرسه دېمه‌گن.
مذکور فوتبالچیلر، مملکت فوتبال ملی تیمی جاری آیده خلق ارا مقدماتی بیلشوونینگ ایکّینچی دوریده قطر و کویت بیلن اوچره‌شیشی کوتیله دیگن بیر پیتده فوتبال ملی تیمیده قتنه‌شیشدن واز کېچماقده‌لر.
