افغانستان ملی فوتبال تیمی نینگ باش مربی‌سی چېتله‌تیلدی
۸صبح، کابل: افغانستان فوتبال فدراسیونی، مملکت ملی فوتبال تیمی نینگ باش مربی‌سی عبدالله المطیری لوزارمیدن چېتله‌تیلگنی حقیده معلوم قیلدی.
افغانستان فوتبال فدراسیونی نینگ مصلحتچیسی دین محمدصافی سه‌شنبه، ۲۵میزان، یېتکرمه‌لرگه المطیری بو فدراسیون تامانیدن اوچ بار اخطار کۉرگندن سۉنگ چېتله‌تیلگن دېب ایتدی.
صافی افغانستان فوتبال ملی تیمی باش مربی‌سی چېتله‌تیلیشی نینگ اصل سببی بو تیم مسابقه‌لری جریانیده او اۉزی نینگ رفتارینی کنترول قیله آلمه‌گن دېگن.
اونینگ ایتیشیچه، علی‌احمد یارزاده وقتینچه‌لیک المطیری مسوولیتینی آلغه آلیب باره‌دی.
عبدالله المطیری اۉزی نینگ انستاگرامیده بیر پیام نشر قیلیب، بو موضوعنی تصدیقلب افغانستان فوتبال ملی تیمی بیلن خیرلشگنی خصوصیده خبر بېرگن.
عین حالده، المطیری افغانستان ملی تیمی نینگ بیلیشوولری جریانیده ایکّی مرته میداندن چیقاریلگن اېدی.
کویت مملکتی نینگ یشاووچیسی بۉلگن المطیری جاری ییل ثور آییده مملکت فوتبال ملی تیمی نینگ باش مربی‌سی اوله‌راق تنلگن اېدی.
