ناراضی‌لیک‌لرنی سرکوب اېتیش: طالبان بدخشان‌لیک آلتی کیشینی قولگه آلدی
۸صبح، بدخشان: بدخشان ولایتی داریم تومنی یشاوچیلریدن بیرقطاری، اوشبو لایتده اعتراض بیلدیرگن آلتی کیشی طالبان تامانیدن قولگه آلینگنینی اېته‌دیلر.
درایم تومنی قرلق قیشلاغی یشاوچیلریدن بیرقطاری ۱۴ ثور، جمعه کونی طالبان اعضالری تامانیدن بیر تینچ اهالی اۉلدیریلگنیدن سۉنگ ناراضی‌لیک بیلدیرگن اېدیلر.
محل یشاوچیلریدن عبدالقادر گه کوره، طالبان آلتی اعتراضچینی مذاکره قیلیش بهانه‌سی بیلن درایم شهری گه چقیریب و کېین اېسه اولرنی قولگه آلگنلر.
ایشانچلی بیر منبع نینگ ۸صبح کونده‌لیگی گه ایتیشیچه، طالبان اهالینی سرکوب اېتیش اوچون محل گه کوپ کوچ یوللـه‌گن.
غضب‌لنگن محل یشاوچیلری بوگون هم ناراضی‌لیکلری گه دوام بیریش‌لری ممکن دیېدی، منبع.
عین‌حالده، بدخشانده طالبان امنیه قوماندان‌لیگی آلتی اعتراضچی قولگه آلینگنینی تصدیقلب ایتیشیچه، اوشبو کیشیلر دهقان‌لرنی ترغیب قیلیش و اولردن فایده‌لنیش عیبی بیلن قولگه آلینگنلر.
بدخشانده طالبان امنیه قوماندان‌لیگی سۉزلاوچیسی احسان‌الله کامگار، محل یشاوچیلری اوشبو گروه گه تاش و یاغاچ بیلن هجوم قیلیب و اولر نینگ جهازلرینی آلاو بیرگنینی معلوم قیله‌دی.
عین‌حالده، اۉتگن کون بدخشان ولایتیده طالبان جنگری‌لری و اعتراضچیلر آره‌سیده‌گی توقنشوو ده، بو گروه جنگلری نینگ اوق آتیشی عاقبتیده محل یشاوچیلریدن بیری هلاک اېتیلیب و چمه‌سی ۱۰ کیشی یره‌لنگن.
