طالبان بدخشانده مردمی ناراضیلیکلرنی کوزه‌تیش اوچون کابل دن هیأت یوللـه‌یدی
۸صبح، کابل: طالبان بدخشانده ناراضیلیکلرنی کوزه‌تیش اوچون اوشبو گروه اردو باشلیغی فصیح‌الدین فطرت ییتکچیلیگیده بیر هیأت تشکیل اېتگنینی معلوم قیلگن.
طالبان سۉزلاوچیسی ذبیح‌الله مجاهد ۱۵-ثور، شنبه دن یک‌شنبه گه اۉتر کیچه بیر بیانیه ترقه‌تیب، بدخشان یشاوچیلریدن بیرقطاری «کوکنار» ایکین‌لری یوق اېتیلیشی طفیلی ناراضی‌لیک بیلدیرگنلرینی ادعا قیلگن.
بیانیه ده کېلیشیچه: «متخلف‌لردن بیرقطاری [طالبان جنگری‌لری] گه هجوم قیلیب و ناگوار واقعه‌لر گه سبب بولگن.»
عین‌حالده، ایکّی کون آلدین بدخشان ولایتی درایم، ارگو و جرم تومنلری طالبان گه قرشی مردمی ناراضی‌لیک نمایش‌لر گه گواه بولگن.
ناراضچیلر اوشبو گروه گه قرشی ناراضی‌لیک بیلدیریش سببینی پشتون‌تبار طالبان تامانیدن «خصوصی حریملری گه تجاوز و ظلم» اېتیلیش عنوان قیله‌دیلر.
شو بیلن بیرگه، طالبان ناراضچیلر نینگ اېستک‌لری گه جواب اولرنی اوققه توتیب و نتیجه ده ناراضچیلر دن ایکّی کیشی جان بیریب و ۱۵ دن آرتیق کیشی یره‌دار بولگنلر.
