امریکا سنا کینگشی روسیه دن یورانیم وارد قیلیشنی تقیقلاوچی لایحه نی تصدیقلهدی
امریکا قۉشمه ایالتلری روسیه هجومی گه قرشی اوکراین نی قۉللب-قوتلش گه تلاش قیلماقده اېکن، اوشبو مملکت سنا کینگشی مسکو دن یورانیم وراد قیلیشنی تقیقلاوچی لایحه نی کوپ آواز بیلن تصدیقلهگن.
رویترز نینگ گزارشی اساسیده، امریکا سنا کینگشی ۳۰ اپریل، سهشنبه کونی هېچ مخالفتسیزلیک بیلن بو لایحه نی تصدیقلهگن.
اۉتگن ییل دسمبر آی ده امریکا نمایندهلر کینگشی اوشبو لایحه نی تصدیقلهگن اېدی.
امریکا جمهور باشلیغی جوبایدن، تېزلیکده روسیه دن یورانیم وارد قیلیشنی تقیقلاوچی لایحهنی امضالشی کوتیلهدی.
امریکا ۲۰۲۲ ییل فبروری آی ده روسیه نینگ اوکراین گه هجوم قیلگنیدن سۉنگ بو مملکت دن نفت وارد قیلیشنی منع قیلدی.
روسیه دن آلیب کېلینهدیگن یورانیم امریکا ده هستهای برق ایشلب چیقریش یاقیلغی مادهلرینی تأمینلش اوچون ایشله تیلهدی.
امریکا قۉشمه ایالتلری برق اطلاعات ادارهسی نینگ معلوماتی اساسیده، بو مملکت هستهای برق ایشلب چیقریش اوچون ۲۰۲۲ ییلده قریب ۱۲ فایز روسیه دن وارد اېتیلگن یورانیم دن قوللنگن.
وایومینگ ایالتیدن جمهوریخواه سناتوری و برق کمیتهسی نینگ ییریک اعضالریدن جان باروسو، بو لایحه تصدیقلنیشینی خوش قرشی لهگن.
اونینگ ایشانچی گه کوره، وایومینگ ایالتیده روسیه دن وارد اېتیلهدیگن یورانیم اۉرنینی تولدیریش اوچون ییترلیچه یورانیم بار.
ایکّی کون آلدین آقسرای ملی خوفسیزلیک کینگش سۉزلاوچیسی بیر بیانیه ترقهتیب، کانگرس دن روسیه دن یورانیم وارد قیلیشنی تقیقلاوچی لایحه نی تصدیقلشینی اېستهگن اېدی.