اۉزبېکستان افغانستان سوداگرلری بیلن ۴۴ میلیون دالرلیک صادراتی شرطنامه امضاله‌دی
۸صبح، کابل: اۉزبېکستان سودا و صناعت اتاقی افغانستان سوداگرلری بیلن ۴۴ میلیون دالرلیک صادراتی شرطنامه امضاله‌گن.
مرکزی آسیا تایمز ۱۱ ثور، سه‌شنبه کونی افغانستان سوداگرلری هیأتی تاشکینت گه سفرلری دایره‌سیده بو شرطنامه امضالنگنینی معلوم قیلگن.
اوشبو گزارش اساسیده، تاشکینت و طالبان اۉزبېکستان-افغانستان سودا کینگشینی تشکیل اېتیش اوچون تلاش قیلماقده و اونگه افغانستان‌لیک ۱۸ شرکت اعضا بولیشی کوتیله‌دی.
بو گزارش ده کېلیشیچه، افغانستان نینگ واردات رقمی ییتّی میلیارد دالر گه یېته‌دی.
مذکور گزارش اساسیده، افغانستان سوداگرلری کوپراق «ایکینچیلیک محصولات، پروسس بولگن آزیق-آوقت، تقیمچیلیک، چرم، برق اوسکونه‌لری و انشاآتی نرسه‌لرنی» ساتیب آلیشنی اېسته‌گنلر.
ایتیش کېره‌ک که طالبان افغانستانده ایکّینچی مرته قدرت نی آلگنیدن سۉنگ اۉزبېکستان بو گروه بیلن تورلی ساحه‌لرده همکارلیک قیلیب کېله‌یاتگن مملکت‌لردن سنله‌دی.
اوشبو ییل دلو آی اۉرته‌لریده اۉزبېکستانده افغانستان ایلچی‌خانه‌سی طالبان وکیللری گه تاپشیریلدی.
