بمبی ده طالبان باش قنسولی ذکیه وردک هند ده ۲۵ کیلوگرام آلتین قاچاق قیلیش عیبی بیلن قولگه آلیندی
۸صبح، کابل: هندوستان نینگ بمبی شهریده افغانستان باش قنسولی یېتیب تعیینلنگن طالبان دیپلماتی ذکیه وردک، اوشبو مملکتده ۲۵ کیلوگرام آلتین نی قاچاق قیلیش عیبی بیلن قولگه آلینگن.
تایمز هند کونده‌لیگی ۱۵ ثور، شنبه کونی اۉز منبعلری گه تیه‌نیب، ذکیه بمبی هوا قونالغه‌سیده قولگه آلینگنینی معلوم قیلگن.
گزارش اساسیده، ذکیه وردک اوشبو مقدار آلتین نی دبی دن هند گه قاچاق قیلماقده اېکن.
طالبان اوشبو دیپلماتی، ۲۵ آلتین خشتی که هر بیری نینگ وزنی بیر کیلوگرام دیر «بویورتمه بیریلگن کورتکه (ژاکت) ایچی، زانو قوریقچیسی، بیل‌باغ و کییملری ایچیده یاشیرگن اېکن، تېکشیریش پیتیده تاپیلگن.
اوشبو گزارش ده کېلیشیچه: «ذکیه وردک نینگ دیپلماتیک پاسپورتی بولگنی اوچون قولگه آلینمه‌گن، بیراق افغانستان‌لیک مذکور دیپلمات تامانیدن دبی دن بمبی گه اوشبو مقدار آلتین قاچاق اېتیلیشی خصوصیده تدقیقات‌لر باشلنگن.»
بو گزارش اساسیده، ذکیه وردک افغانستان سیاسی پاسپورتیدن فایده‌لنیب آلتین قاچاقی گه قول اۉرگن.
شو بیلن بیرگه، خانم وردک تایمز هند کونده‌لیگی بیلن اۉتکزگن صحبتیده، حاضر دوالنماقده و بو «عیبلاو دن حیران و خواطرده» بولگنینی اېتگن.
ذکیه وردک مملکت سابق جمهور باشیلغی اشرف غنی تامانیدن، هندوستان بمبی شهری ده یېتیب تعیینلنگن اېدی، بیراق طالبان گه بیعت قیلیب و بو گروه تشقی ایشلر وزیرلیگی بیلن همکارلیک قیلگن بیرینچی «عیال دیپلمات» سنله‌دی.
ذکیه وردک آنلاین طرزده طالبان تشقی ایشلر وزیرلیگی نینگ ییغیلیش‌لریده قتنشیب، بو گروه رژیمیدن دستور آله‌دی.
