۸صبح، دوشنبه: سفیر پیشین قراقستان در افغانستان در نشست امنیتی هرات در تاجیکستان گفته است که کشورش قصد دارد نشستی به مقیاس بینالمللی در مورد افغانستان برگزار کند.
اومیرتای بیتیموف، سفیر پیشین قزاقستان در کابل، که روز سهشنبه، ۸ قوس، در جلسه دوم نشست امنیتی هرات در دوشنبه تاجیکستان سخنرانی میکرد، از برگزاری این نشست در آینده نزدیک خبر داده است.
به گفته او، در این نشست وضعیت افغانستان با اشتراک افغانها، نمایندهگان کشورهای منطقه و قدرتهای بزرگ جهانی بررسی خواهد شد.
هنوز زمان دقیق برگزاری این نشست مشخص نشده است.
جلسه دوم نشست امنیتی هرات در تاجیکستان در حال برگزاری است. در این نشست بیش از ۲۰۰ نماینده از کشورهای مختلف شرکت کردهاند.