فاریاب ده یاش بیر قیز اۉزینی اۉلدیردی
۸صبح، فاریاب: طالبان محلی رسمیلری فاریاب ولایتیده ۱۸ یاشر بیر قیز اۉزینی اۉلدیرگنیدن خبر بیرگنلر.
فاریابده طالبان حاکمی سۉزلاوچیسی عصمتالله مرادی گه کوره، فیروزه اسملی بو قیز ۴ حمل، شنبه کیچه مذکور ولایت نینگ قرمقول تومنی حدودلری گه قرهشلی «آلتی بولک» قیشلاغیده اویلریده اۉزینی دار گه آسیب اۉلدیرگن.
طالبان فیروزه نینگ اۉزینی اۉلدیریش سببینی «روحی کسللیک» عنوان قیلسهلرده، بیراق محل یشاوچیلری گه کوره، اوشبو یاش قیز عایلهوی زورهوانلیک باعث اۉزینی دار گه آسیب اۉلدیرگن.
سۉنگی ایکّی یریم ییلده فاریاب ولایتیده عیاللر اۉرتهسیده اۉز جانیگه قصد قیلیش حالتلری مثلی کوریلمهگن درجه ده کوپهیگن.
۸صبح کوندهلیگی نینگ معلوماتی اساسیده، مذکور ولایتده یالغیز سۉنگی اوچ کون ایچیده ایکّی عیال اۉزینی اۉلدیرگن.