ملابرادر: طالبان وکیلی‌سیز افغانستان گه دایر خلق‌ارا ییغیلیش‌لر نتیجه بیرمه‌یدی
۸صبح، کابل: طالبان باش وزیری نینگ اقتصادی اۉرین باسری ملا عبدالغنی برادر قطر تشقی ایشلر وزیری نینگ اۉرین باسری بیلن اوچره‌شووده، بو گروه نینگ وکیلی‌سیز افغانستان وضعیتی گه دایر خلق‌ارا ییغیلیش‌لر نتیجه بیرمسلیگینی بیلدیرگن.
طالبان باش وزیری اقتصادی اۉرین باسرلیگی ۳ جوزا، پنج‌شنبه کونی ملا برادر نینگ قطر تشقی ایشلر وزیری نینگ اۉرین باسری محمد بن عبدالعزیز الخلیفی بیلن ایش اداره‌سیده اوچره‌شگنیدن خبر بیرگن.
او خلق‌ارا ییغیلیش‌لرده طالبان گه «حرمت» قایل بولیش کېره‌ک دیگن.
اونینگ کوپه‌یتیریشیچه، حاضرگی کونده افغانستانده سرمایه یاتقیزیش فرصت‌لری یره‌تیلگن و قطر سرمایه یاتقیزوچیلری تورلی ساحه‌لرده کېلیب سرمایه یاتقیزیش‌لری ممکن.
ملا برادر طالبان بیلن قطر نینگ مناسبت‌لری کېنگه‌یتیریلیشی و مستحکم‌لنیشینی اېسته‌گن.
عین‌حالده، طالبان محمد بن عبدالعزیز الخلیفی دن نقل قیلیب، یقینده قطرلیک سرمایه یاتقیزووچیلر کابل گه سفر قیلیشی ممکن دیگن.
او طالبان وکیلی دوحه اوچینچی ییغیلیشیده اشتراک اېتیشینی سۉره‌گن.
طالبان وکیلی اشتراک اېتگن حالده دوحه اوچینچی ییغیلیشی «نتیجه» بیریشی ممکن دیب ایشانچ بیرگن، ملا برادر.
بیرلشگن ملتلر تشکیلاتی طالبان حاکمیتیده افغانستان وضعیتی گه دایر دوحه اوچینچی ییغیلیشی ۱۰ و ۱۱ سرطان (۳۰ جون و ۱ جولای) اۉتکزیلیشی ریجه‌لشتیریلگنینی معلوم قیلگن.
بوندن آلدین، طابان باش وزیری نینگ سیاسی اۉرین باسری مولوی عبدالکبیر ییتکچیلیگیده بو گروه نینگ سیاسی کمیسیون اعضالری، دوحه ییغیلیشینی محاکمه قیلگن اېدیلر.
بو ییغیلیشده مدنی جماعه‌چیلیک فعاللری هم حضور تاپیشلری کوتیله‌دی.
