پاکستان افغانستانده همه‌شمول حکومت تشکیل اېتیلیشی و انسان حقلری رعایت اېتیلیشینی اېسته‌دی
۸صبح، کابل: پاکستان باش وزیری نینگ اۉرین باسری و تشقی ایشلر وزیری اسحاق دار، طالبان «افغانستانده همه‌شمول حکومت تشکیل اېتیلیشی و بو مملکت بوتون فقرالری نینگ حقوقینی رعایت ایتیشینی» طلب قیلگن.
پاکستان تشقی ایشلر وزیری بو بیانات نی ۱ جوزا، سه‌شنبه کونی شانگهای ییغیلیشیده بیان قیلگن.
طالبان دنیا مقیاسیده تن آلینگن قاعده جمله دن مشارکت و افغانستان بوتون خلقی اینیقسه خاتین قیزلر نینگ حقوقینی رعایت اېتیشی کېره‌ک دیه تاکید اېتگن، اسحاق دار.
بونگه قۉشیمچه اسحاق دار ېنه بیر مراتبه طالبان دن افغانستانده تروریستی گروه‌لر گه توسیق بولیشینی اېسته‌گن.
اونگه کوره، طالبان افغانستان توپراغی کفالتی اوچون «ایجابی» اقدام قیلیب و بو مملکت توپراغیدن «تروریستی گروه‌لر» فایده‌لنسملیگیدن ایشانچ تاپیشی کېره‌ک.
اونینگ کوپه‌یتیریشیچه: «افغانستان اوچون تماس گروهی عملی همکارلیک اوچون پلتفرم تشکیلی خصوصیده شانگهای تشکیلاتیده قوریلیشی کېره‌ک.»
بوندن آلدین، قزاقستان جمهور باشلیغی قاسم جومارت توکایف، شانگهای همکارلیک تشکیلاتی (SCO) گه اعضا مملکتلر نینگ تشقی ایشلر وزیرلری بیلن ییغیلیشده، افغانستان وضعیتی گه کوپراق دقت قیلینیشی کېره‌ک دیگن اېدی.
اونینگ سۉزلری گه کوره، قزاقستان نینگ آلماتا شهریده بیرلشگن ملتلر تشکیلاتی نینگ مرکزی آسیا و افغانستان اوچون برقرار رواجلنیش مقصدلری بوییچه منطقه‌وی مرکزینی یره‌تیش تشبثی قۉللب-قوتلشش جوده مهم دیر.
