امریکا روسیه نی قۉللب-قوتلهگن ۲۸۰ کیشی و شرکت نی تحریم قیلدی
امریکا مالیه و تشقی ایشلر وزیرلیکلری روسیه، چین و باشقه بیرقطار مملکتلرده اوکراین اوروشیده مسکونی قۉللب-قوتلهگنلری اوچون تحریم قیلگن.
امریکا رسمیلری ۱می چهارشنبه کونی، روسیه؛ چین و باشقه بیرقطار مملکتلر نینگ شرکتلری همکارلیگی بیلن غرب تحریملرینی چېکلب اوتیش گه سعی-حرکت قیلماقدهلیگینی اېتگنلر.
بو مسأله گه دایر امریکا مالیه وزیرلیگی قریب ۲۰۰ شرکت و نهاد تشقی ایشلر وزیرلیگی هم ۸۰ دن آرتیق مورد نی تحریم قیلگن.
بو واشنگتن نینگ چین شرکتلری گه قرشی وضع اېتگن اېنگ بویوک تحریملری سنلهدی.
واشنگتن نیچه مراتبه چین نی اینیقسه امریکا مالیه وزیری جنت یلن و تشقی ایشلر وزیری انتونی بلینکن نینگ اوشبو مملکت گه سۉنگی سفرلری دایرهسیده اوکراین اوروشیده روسیه دن حمایت اېتمسلیگی حقیده آگاهلنتیرگن بیرحالده، امریکا قۉشمه ایالتلری چین و هنگ کنگ ده۲۰ شرکت نی تحریم قیلگن.
امریکا قۉشمه ایالتلری مالیه وزیرلیگی بیر بیانیه ترقهتیب، بو وزیرلیک هردایم شرکتلرنی اوکراین اوروشیده روسیه نی مادی حمایت اېتگن حالده یامان عاقبتی بولیشیدن آگاهلنتیرگن.
چین نینگ روسیه نی قۉللب-قوتلشی دنیا اېنگ بویوک اقتصادلری اۉرتهسیدهگی مناسبتنی تهدید قیلماقده.
روسیه اوکراین گه هجوم قیلگنیدن بېری، امریکا قۉشمه ایالتلری و متحدلری مینگلب هدف نی تحریم قیلیشگن.
واشنگتن چین، بیرلشگن عرب امیرلیکلری و تورکیه دهگی شرکتلرنی غرب تحریملرینی چېکلب اوتگنلری اوچون تحریم قیلگن.