امریکا: واشنگتن تروریسم گه قرشی کوره‌ش اوچون پاکستان گه تخنیکی یاردم بیره‌دی
امریکا قۉشمه ایالتلری تشقی ایشلر وزیرلیگی سۉزلاوچیسی نینگ اۉرین باسری ودانت پاتل گه کوره، امریکا پاکستان ده تروریسم گه قرشی کوره‌ش اوچون اسلام‌‌آباد بیلن کېلیشگن.
پاتل ۱۵ می، سه‌شنبه کونی خبری بیر ییغیلیشده امریکا پاکستان گه تخنیکی یاردم بیریشینی معلوم قیلگن.
او منطقه ده «تروریستی» تحرک‌لرنی خواطرلی اته‌ب کوپه‌یتیریشیچه: «امریکا قۉشمه ایالتلری تروریستی گروه‌لر گه قرشی کوره‌ش گه دایر تخنیکی یاردم بیریش اوچون بو مملکت بیلن کېلیشگن.»
امریکا و پاکستان «منطقه ده کوچلی بوله‌یاتگن تروریستی تهدیدلر» گه قرشی کوره‌ش اوچون جدی و کوچلی اراده‌لری بارلیگینی بیلدیرگن، پاتل.
نیچه کون آلدین پاکستان تدقیقات و خوفسیزلیک مطالعه‌لر مرکزی بیر گزارش ترقه‌تیب، ۲۰۲۳ ییلده اوشبو مملکت مقیاسیده «تروریستی» هجوملرده قریب بیر مینگ حربی و تینچ اهالی هلاک بولگنیدن خبر بیرگن اېدی.
اوشبو گزارش اساسیده، ۲۰۲۳ ییل سۉنگی بیر سنه ده پاکستان پولیسی و اردوسی اوچون اېنگ قانلی ییل بولگن.
پاکستان حکومتی نینگ ایشانچی گه کوره، افغانستانده طالبان ایکّینچی مراتبه حاکمیت تېپه‌سیگه اېریشگچ، تی‌تی‌پی و مذکور حکومت مخالف گروه‌لری افغانستان ایچیده‌گی قرارگاه‌لریدن هجوملرینی ریجه‌لشتیره‌دیلر.
شو بیلن بیرگه، افغانستانلیک طالبلر هردایم بو ادعالرنی رد اېتیب و پاکستان عملدارلرینی مملکتلریده خوفسیزلیک تأمینله‌ی آلمسلیکّه عیبله‌گنلر.
