کابل هوا قونالغهسیده امریکا حربیلری نینگ تینچ اهالی گه اوق آتیش ادعاسی؛ کانگرس ایضاح کېریتیلیشینی طلب قیلدی
۸صبح، کابل: امریکا قۉشمه ایالتلری نمایندهلر کینگشی نینگ جمهوریخواه توقیز اعضاسی اوشبو مملکت مدافعه وزیری لوید آستین گه مکتوب یوللب-، ۲۰۲۱ ییلده کابل هوا قونالغهسیده پارتلش صادر اېتیلیشیدن سۉنگ بیر قطار تینچ اهالی آتیب اۉلدیریلیشی گه دایر سیانان نینگ سۉنگی معلوماتلری حقیده ایضاح کېریتیشینی طلب قیلگنلر.
سیانان نینگ گزارشی اساسیده، بو مکتوب ۱۸ ثور، سهشنبه کونی کانگرس بیرقطار وکیللری تامانیدن امریکا نمایندهلر کینگشی تشقی مناسبتلر کمیتهسی گه یوللنگن.
اوشبو مکتوب افغانستانده ایکّی سنه ایچیده امریکا قوشینلری گه قرشی اېنگ قانلی حادثه حقیده تدقیقات قیلیش اوچون پنتاگون نینگ بعضی مهم سواللر گه اعتبارینی قرهتگن.
کانگرس نینگ سکیز اعضاسی که اولر نینگ بیش نفری افغانستانده تجربهلی عسکرلردن دیر، آستین دن «اېنگ کوچلی طرزده، امریکا قۉشمه ایالتلری مرکزی قوماندانلیگی نینگ تدقیقات نتیجهسی و سیانان نینگ ینگی گزارشی اۉرتهسیدهگی فرق حقیده ایضاح کېریتیشینی اېستهگن.»
سیانان ترماغی اوشبو ییل ۶ ثور، کابل هوا قونالغهسیده خودکش هجوم اۉیوشتیریلیشیدن سۉنگ کېنگ کولمده اوق آتیلگنی حقیده اېریم حجتلر تاپگنی حقیده گزارش بیرگن اېدی. بو گزارش اساسیده، قربانلردن بیرقطاری اوق آتیلیشی عاقبتیده هلاک بولگنلر.
بو واقعه ۲۰۲۱ ییل ۲۶ آگست، کابل هوا قونالغهسی «ابیگیت» ایشیگیده امریکا کوچلری نینگ چیقریش عملیاتی پیتیده یوز بیریب و امریکالیک ۱۳ عسکر و افغانستانلیک قریب ۱۷۰ تینچ اهالی نینگ اۉلیمی گه سبب بولگن اېدی.
شو بیلن بیرگه، امریکا قۉشمه ایالتلری اردوسی برچه کیشیلر خودکش هجوم عاقبتیده هلاک بولیب و هېچ کیم اوق آتیش ده اۉلیب و یرهلنمهگنینی معلوم قیلگن.
سیانان، پنتاگون نینگ ایکّی تحقیق نتیجهسینی اېریم سواللر گه دوچ قیلووچی حجت گه قول تاپگنی حقیده گزارش بیرگن.
اوشبو شبکه امریکا قوراللی «گوپرو» دوربینلری صورتلرینی حاضرگچه شریک اېتیلمهگن، تېکشیرگن.
اوشبو گزارش اساسیده، واقعه دن سۉنگ اوق آتیش رقمی پنتاگون حاضرگچه شریک قیلگن معلومات گه نسبتن کوپراق دیر.