منطقه ده کېسکین‌لیک نی آلدینی آلیش اوچون عمان ده امریکا و ایران نینگ بیلواسطه مذاکره‌سی
اۉتگن هفته عمان ده جوبایدن دولتی نینگ ایکّی ییریک رسمی‌سی ایران رسمی‌لری بیلن منطقه ده‌گی کېسکین‌لیکّه قنده‌ی توسیق بولیش اوچون بیلواسطه مذاکره قیلگنلر.
ایکّی منبع ۱۷ می، جمعه کونی اکسیوس نشریه‌سیگه ایتیشلریچه، بو مذاکره‌لر اۉرته شرق ده جوبایدن نینگ ییریک مصلحتچیسی برت مک‌گرک و ایران ایشلری بوییچه امریکا نینگ مخصوص وکیلی اۉرین باسری ابرام پیلی حضوری بیلن یولگه قوییلگن اېدی.
شو بیلن بیرگه، اوشبو مذاکره‌لر ده ایران تامانیدن کیم قتنشگن‌لیگی همان نامعلوم دیر.
اوشبو گزارش اساسیده، امریکا قۉشمه ایالتلری و ایران اۉرته‌سیده بیرینچی مذاکره‌لر اوشبو ییل جنوری آی ده عمان ده بولیب اۉتگن اېدی.
یېتکرمه‌لر اۉتگن ییل حوت آی ده، برت مک‌گرک و ابرام پیلی ایران تشقی ایشلر وزیری نینگ اۉرین باسری و هسته‌ای مذاکره‌لر مسوولی علی باقری کنی بیلن مذاکره قیلگنلر اېدی دیب، گزارش بیرگن اېدیلر.
اوشه پیتده‌گی گزارش‌لر اساسیده، ایران و امریکا اۉرته‌سیده بیرینچی مذاکره‌لر بیلواسطه بولیب اۉتگن و عمان رسمی‌لری ایکّی تامان پیاملرینی یېتکیزیش گه مسوول بولگن.
بو مذاکره‌لر ایران نینگ اسراییل گه قصاص آلیش هجومیدن بیر آی اۉتگچ بولیب اۉتگن.
