سنتکام: حوثی‌لر نینگ بریتانیا کېمه‌لری گه هجومی قیزیل دینگیز افلاسلنیشی گه سبب بولگن
امریکا مرکزی قوماندان‌لیگی (سنتکام) حوثی شبه‌نظامی‌لر نینگ بریتانیا گه عاید «روبیمار» کېمه‌سی گه هجومی، ۲۹ کیلومترلیک نفت لکه بولیشیگه سبب بولگنینی معلوم قیلگن.
سنتکام ۲۳ فبروری، جمعه کونی ترقه‌تگن بیانیه‌سیده سوو اوشبو کېمه ایچیگه کیره‌یاتگنینی معلوم قیلگن.
بیانیه ده کیلیشیچه: «۱۸ فبروری شنبه کیچه ساعت ۹:۳۰ و ۱۰:۴۰ اطرافی ده ایران حمایتیده بولگن حوثی شبه‌نظامی‌لر بریتانیا گه عاید فله‌بر کېمه‌سی روبیمار گه هجوم قیلدیلر.»
سنتکام گه کوره، «روبیمار» کېمه‌سی لنگر تشله‌گن بولسه ده، بیراق سوو اوشبو کېمه ایچیگه کیرماقده دیر.
بیانیه اساسیده، «روبیمار کېمه‌سی ۴۱ مینگ تُن کود نی انتقال بیرماقده اېدی قیزیل دینگیز ده توکیلگن حالده یشش محیط فاجعه‌سی یوز بیریشی ممکن.»
امریکا مرکزی قوماندان‌لیگی نینگ تاکیدلشیچه: «حوثی‌لر منطقه‌ای تاثیرلر گه اعتبارسیز بولیب هجوم‌لری گه دوام بیریشی جهانی تجارت، بلیق آولش صناعتی و منطقه ده ییگولیک ماده‌لرنی تهدید قیله‌دی.»
معلومات‌لر اساسیده، روبیمار کېمه‌سی نینگ خادم‌لری اونی ترک قیلیب و باشقه تجاری بیر کېمه بیلن قوتیلگنلر.
امریکا و بریتانیا کوچلری حوثی‌لر نینگ هجوم‌لری گه جواب اولر نینگ بیر قنچه تأسیساتینی نشانگه آلگن، بیراق حاضرگچه بو هجوم‌لرنی بوتونلی توخته‌تیش گه اولگورمه‌گن.
