مملکت تورت ولایتیده سوو تاشقینلری عاقبتیده اوچ کیشی هلاک بولدی
۸صبح، فراه: فراه، هرات، غور و غزنی ولایتلریده محلی منبعلر نینگ ایتیشلریچه، بو لایتلرده سوو تاشقینلری عاقبتیده اوچ کیشی هلاک بولیب و باشقه بیش کیشی یرهلنگن.
فراه دهگی منبعلر نینگ ۸صبح کوندهلیگی گه ایتیشلریچه، ۱۴ ثور، جمعه کونی مذکور ولایت نینگ اناردره تومنیده سوو تاشقینی عاقبتیده یاش بیر اوسمیر هلاک بولگن.
اوشبو سوو تاشقینلری عاقبتیده ۲۵ دن آرتیق یشش اوی و یوزلب ایکینچیلیک ییر بوزیلگن.
هرات ولایتی کشک رباط سنگی تومنی «یکه دوکان» قیشلاغیده سوو تاشقینی باعث ۸ یاشر بیر باله قربان بولگن.
عینحالده، غور مرغاب تومنی یشاوچیلریدن بیرقطاری نینگ ۸صبح کوندهلیگی گه ایتیشلریچه، بو تومن بازاریده سوو تاشقینیده چمهسی ۵۰ دکان بوزیلگن.
میدانوردک ولایتیده طالبان محلی رسمیلری، اۉتگن کون اوشبو ولایت نینگ دایمیرداد تومنی حدودلری «طویکی» قیشلاغیده یوز بیرگن سوو تاشقینی عاقبتیده بیر عیال قربان بولیب و باشقه بیش کیشی یرهلنگن.
عینحالده، ایکّی کوندن بویان مملکت نینگ بیر قنچه ولایتلری کوچلی یاغنیچیلیک گواهی بولگن.