بغلان ده هلاکتلی سوو تاشقینلری؛ قربان‌لر نینگ قوتقریش اوچون هېچ ریجه یوق
بغلان ده سوو تاشقینی عاقبتیده ۳۰۰ دن کوپراق کیشی هلاک بولیب و باشقه اونلب کیشی یره‌لنگن. بغلان و باشقه بیرقطار ولایت‌لرده سۉنگی سوو تاشقینلری طفیلی قربان بولگنلر رقمی شریک اېتیلمه‌گن بولسه ده، بیراق خلق‌ارا نهادلر و طالبان قربان بولگنلر رقمینی ۳۰۰ دن آرتیق و یره‌دار بولگنلر رقمینی ۲۵۰ کیشی اعلام قیلگنلر. عین‌حالده محلی منبعلر نینگ ایتیشلریچه، اوشبو طبیعی آفت طفیلی قربان بولگنلر رقمی آشماقده و سوو تاشقینی یوز بیرگن منطقه‌لر نینگ کوپ سانده یشاوچیلری لادرک بولگنلر. اولر نینگ ایتیشلریچه، واقعه دن ایکّی کون اۉتگچ قوتقروو تیملری حاضرگچه یېتیب بارمه‌گن و اهالی دستلبکی امکانیتلری بیلن توپراق و لای آستیده قالگنلرنی قوتقریش گه سعی-حرکت قیلماقده‌لر. محلی یاردم بیرووچیلر گه کوره، اهالی باش پنه، ایچیملیک سوو، آزیق-آوقت و کییم-کیچک کبی نرسه‌لر گه ضرورتی بار و یاردم بیرووچی نهادلردن بوتوغریده جدی دقت قیلیش‌لرینی اېسته‌یدیلر.
طالبان حاکمیتیده قاچقینلر وزیرلیگی، بغلان ولایتیده هلاکتلی سوو تاشقینلری عاقبتیده ۳۱۵ کیشی هلاک بولیب و باشقه ۶۰ کیشی یره‌دار بولگنینی بیلدیرگن. بو وزیرلیک نینگ ایتیشیچه، سوو تاشقینلری باعث کوپراق بغلان مرکزی و برکه تومنلری نینگ شیخ جلال، شهرک صلح و شرر قیشلاق‌لری اهالیسی نقصان کورگنلر. مذکور نهاد نینگ ادعاسی اساسیده، ایکّی مینگ ۶۰۰ دن آرتیق یشش اوی بوتونلی یا که قسمی شکلده بوزیلگن.
اۉتگن کون بغلان ده طالبان حاکمی سۉزلاوچیسی علم مجیدی، محلی یېتکرمه‌لر بیلن اۉتکزگن صحبتیده، بغلان ده سوو تاشقینلری عاقبتیده ۱۵۴ کیشی هلاک بولیب و ۲۵۰ کیشی یره‌لنگنینی اېتگن اېدی. بو دستلبکی معلومات بولیب و تلفات رقمی آشماقده‌لیگینی معلوم قیلگن، علم مجیدی.
باشقه تاماندن، محلی بیر منبع که سوو تاشقینی یوز بیرگن منطقه‌لرنی یقیندن باریب کوزه‌تگن ۸صبح کونده‌لیگی گه ایتیشیچه، فلول منطقه‌سیده فاجعه یوز بیرگن. منبع گه کوره، بوتون حدودنی سوو باسگن.
مذکور منبع نینگ کوپه‌یتیریشیچه، فلول منطقه‌سیده بیر قطار کیشیلر حاضرگچه لادرک بولگن عایله اعضالرینی قیدیرماقده. بو منطقه ده سوو، آزیق-آوقت و باش پنه یوق و یاردم بیرووچی نهادلر تېزلیک بیلن یاردم بیریشلری کېره‌ک دیېدی، منبع.
اجتماعی یاردم بیرووچیلر و سوو تاشقینی یوز بیرگن منطقه‌لرنی کوزه‌تیش اوچون بارگن علی عمر اوشبو طبیعی آفتلردن ویدیو ترقه‌تیش بیلن ایتیشیچه، واقعه باعث قربان بولگنلر رقمی کوپ و اهالی نینگ سوو، آزیق-آوقت، خیمه و کییم-کیچکّه ضرورتی بار. اونگه کوره، سوو تاشقینیدن جبرلنگنلر انسانی تلفات گه قۉشیمچه بار امکانیت‌لرینی قولدن بیریشگن و قیین احوالده کون کېچیریشماقده. اونینگ تاکیدلشیچه، کوپ سانده کیشیلر لادرک بولگن. کرکر و گذرگاه منطقه‌لری نینگ یوللری توسیلیب و سوو تاشقینی باعث جبرلنگنلر نینگ احوالیدن هېچ خبر یوق دیه تاکید اېته‌دی، او.
شونینگدیک، بغلان ده سوو تاشقینلریدن جبرلنگنلردن بیرقطاری نینگ ایتیشلریچه، طالبان سوو تاشقینلریده بند قالگنلر نینگ قوتقریش اوچون هېچ اقدام قیلمه‌گن. اولر گه کوره، اهالی قربان‌لرنی توپراق و لای آستیدن اۉزلری چیقرماقده و جبرلنگنلر اوچون بو یاردملر یېترلی اېمس. اولر نینگ تاکیدلشیچه، سوو تاشقینلری طفیلی اهالی کوپ جانی و مالی نقصان کورگنلر، بیراق طالبان بوتوغریده کوتاهی‌لیک قیلگن.
عیاللر، اولیمده کم‌سیتیلگن قربان‌لر دیر
مملکت یشاوچیلری اینیقسه عیال حقوقی فعاللریدن کوپینچه‌سی نینگ ایشانچی گه کوره، طبیعی آفت‌لر باعث کوپراق عیاللر و باله‌لر زیان کورگن طالبان نینگ چېکلاولری گه قۉشیمچه جمعیتده سنتی توسقین‌لیک بیلن دوچ دیر و طبیعی آفت‌لر یوز بیریش پیتده اوی دن چیقه آلمه‌یدی شونی اوچون کوپراق ضرر کوره‌دیلر.
اجتماعی شبکه‌لر ایشلاوچیلریدن بیرقطاری نینگ یازیشیچه، طالبان حتا عیاللر نینگ جنازه‌لرینی کم‌سیتیب و ساغلیق مرکزلرده عیال خادملری یوق‌لیگی باعث، عیاللر ایرککلردن سۉنگ «غسل» بیریله‌دی.
بغلان مرکزی تومنیدن ترقه‌لگن ویدیو گه کوره، کوپ سانده اهالی اوشبو تومن نینگ ساغلیق مرکزی یقینیده توپلنیب و عایله اعضالری نینگ جنازه‌لرینی تسلیم آلیشنی اېسته‌یدیلر. اولر قیغو و الم بیلن عایله اعضالری نینگ جنازه‌لرینی تسلیم آلیشنی کوتماقده، بیراق ساغلیق خادملری اینیقسه عیال خادم آزلیگی باعث ساعت‌لر کوتیب قربان‌لر نینگ جسدلرینی قبرستان گه آلیب باره‌دیلر.
اوشبو ویدیو فایل ده کورینیشیچه، ساغلیق مرکز مسوولریدن بیری حاضرلر گه بونده‌ی دیېدی: «میت‌لر اوچون بو ییرده کفن بار، مولوی صاحب‌لر و بلدیه تیمی کېلگن و برچه نی تدفین قیلیب و غسل بیره‌دیلر و کیېن اېسه سیزلر آلیب کېتینگیزلر.» او عیاللر نینگ جنازه‌لری حقیده ایتیشیچه، «عیال ساغلیق خادملری» یوق‌لیگی اوچون ایرککلر غسل بیریلیشدن سۉنگ اولر عیاللر تامانیدن غسل بیریله‌دی.
بیرلشگن ملتلر و خلق‌ارا تشکیلات‌لر نینگ مناسبتی
بیرلشگن ملتلر تشکیلاتی باش کاتبی آنتونیو گوترش گه کوره، بغلان ولایتیده هلاکتلی سوو تاشقینلریدن «قیغولنگن». بیرلشگن ملتلر تشکیلاتی باش کاتبی نینگ سۉزلاوچیسی بیر بیانیه ترقه‌تیب گوترش جنابلری سوو تاشقینلری باعث جبرلنگن عایله‌لر بیلن همدردلیک بیلدیرگن.
شونینگدیک، بیرلشگن ملتلر تشکیلاتی نهادلری، اروپا اتفاقی و اسلامی همکارلیک تشکیلاتی، بغلان ولایتی بیرقطار تومنلریده انسانی تلفات نی خواطرلی دیگنلر. اولر، حاضرگی قلتیس احوال باعث بوتون مملکتلر بو منطقه‌لر اهالیسی گه یاردم بیریش‌لرینی اېسته‌گنلر.
خلق‌ارا مهاجرت تشکیلاتی نینگ ایتیشیچه، بو نهاد نینگ تیملری تېنمسدن سوو تاشقینلری باعث جبرلنگنلر گه یاردم کورسه‌تیش اوچون سعی-حرکت قیلماقده‌لر. مذکور نهاد اۉتگن کون، خادملری وقتینچه‌لیک باش پنه، کییم-کیچک و باشقه دستلبکی نرسه‌لرنی نیازمند کیشیلر گه توزیع قیلماقده‌لیگینی اېتگن اېدی.
خلق‌ارا مهاجرت تشکیلاتی نینگ کوپه‌یتیریشیچه: «اهالی باش پنه اوله‌راق قوللنیش نرسه‌لرینی توزیع قیلماقده‌میز.»
شونینگدیک خلق‌ارا ساغلیق‌نی سقلش تشکیلاتی گه کوره، طبی جهازلر شامل ضروری دارو افغانستان شمالیده سوو تاشقینلریدن جبرلنگن کیشیلر گه یاردم کورستگن. بو تشکیلات اۉتگن کون بیر بیانیه ترقه‌تیب طبی یاردملری واقعه محلی گه یوللنگنینی معلوم قیلگن اېدی.
مذکور تشکیلات نینگ کوپه‌یتیریشیچه، سوو تاشقینلری باعث زیانلر رقمی حاضرگچه انیقلنمه‌گن و بو تشکیلات رسمی‌لری باشقه ساغلیق‌نی سقلش تشکیلات‌لر بیلن احوال نی تېکشیریشماقده. اوشبو تشکیلات نینگ بیانیه‌سیده کېلیشیچه، سوو آرقه‌لی کسللر احتمالی ترقه‌لمسلیک اوچون چاره تدبیر کوریلگن.
شو بیلن بیرگه، خلق‌ارا آزیق-آوقت دستوری مملکت نینگ تورلی منطقه‌لری اینیقسه بغلان ده سۉنگی سوو تاشقینلری گه مناسبت بیلدیریب اوشبو طبیعی آفت یوز بیرگن کوپ سانده منطقه‌لر اهالیسی موتر دن قوللنه آلمسلیگینی بیلدیرگن. اوشبو نهاد اۉتگن کون ایکس صحیفه‌سیده بیر بیانیه ترقه‌تیب واقعه طفیلی جبرلنگنلر گه هر قنده‌ی یول بیلن یاردم بیریشینی یازگن.
خلق‌ارا آزیق-آوقت تشکیلاتی نینگ تاکیدلشیچه: «خلق‌ارا آزیق-آوقت دستوری برچه امکانیت‌لرینی قولدن بیرگن کیشیلر گه یاردم کورسه‌تیش اوچون هر قنده‌ی یولدن قوللنه‌دی.»
اسلامی همکارلیک تشکیلاتی اوشبو تشکیلات گه اعضا بوتون مملکتلر و یاردم بیرووچی نهادلردن افغانستانده سوو تاشقینلری باعث جبرلنگن کیشیلر گه یاردم بیریش‌لرینی اېسته‌گن.
بوندن اول بیرلشگن ملتلر تشکیلاتی نینگ انسان پرورلیک یاردملرینی هماهنگ قیلووچی اداره‌سی (اوچا) افغانستانده سوو تاشقینلری طفیلی جبرلنگنلر گه انسان پرورلیک یاردم کورستماقده و بو یاردملر اضطراری باش پنه، طبی اوسکونه، آزیق-آوقت و نقد پول دن عبارت دیر.
خلق‌ارا باله‌لرنی قۉللب-قوتلاوچی صندیغ، سیار طبی امکانیت و نجات تیملری بیلن بیر سیار کلینیک بغلان گه یوباریشینی اېتگن. بو تشکیلات نینگ کوپه‌یتیریشیچه، بغلان نینگ بیش تومنیده ۶۰۰ مینگ کیشی سوو تاشقینیدن تاثیرلنگن و اولر دن ۳۱۰ ته‌سینی باله‌لر تشکیل بیره‌دی.
شونینگدیک اروپا اتفاقی، افغانستان گه انسان پرورلیک یاردملری قیته باشلنگنیدن خبر بیرگن. بو تشکیلات اۉتگن کون دارو و حیاتی نرسه‌لر شامل ۹۷ تُن انسان پرورلیک یاردملری کابل گه یېیتب و ۱۳ یاردم بیرووچی نهاد اختیاری گه قرار تاپگنینی معلوم قیلگن.
بونگه قوشیمچه، قطر، تورکیه، بیرلشگن عرب امیرلیگی، اۉزبېکستان، ایران، سعودی عربستان، چین، جاپان، بریتانیا و پاکستانده بلجیم ایلچی‌خانه‌سی، سوو تاشقینلری باعث جبرلنگنلر بیلن همدردرلیک بیلدیریب، حاضرگی قلتیس شرایط ده افغانستان خلقینی قۉللب-قوتلش‌لرینی اېتگنلر.
سوو تاشقینلریدن جبرلنگنلر احوالیدن عین‌حالده خواطر بیلدیریلماقده که یشش محیط ایش بیلرمان‌لریدن بیرقطاری نینگ ایشانچی گه کوره، افغانستانده اقلیم اۉزگریشی جدی آلینمه‌گن و اهالی بوتوغریده علمی مصلحت‌لر گه اعتبار بیرمه‌یدیلر.
شو بیلن بیرگه، اقلیم اۉزگریشی ایشلری بوییچه ایش بیلرمان نجیب‌الله سدید ایکس صحیفه‌سیده یازیشیچه، مملکت شمالیده یاغینچیلیک و سوو تاشقینی یوز بیریش احتمالی پیش‌بینلیک بوله‌دی. اونگه کوره، پیش‌بینلیکلر اساسیده هر ایکّی کوندن سۉنگ مملکت شمالیده کوچلی یاغینچیلیک بوله‌دی هر کونی ۳۰ ملی‌متر یاغیشی ممکن. او منطقه یشاوچیلریدن هوشیار بولیش‌لرینی اېسته‌گن، چونکه یاغینچیلیک سوو تاشقینی یوز بیریشی گه سبب بولیشی ممکن.
طالبان گه کوره، اوشبو گروه باش وزیری نینگ اقتصادی اۉرین باسری عبدالغنی برادر بغلان ولایتی گه سفری دایره‌سیده اوشبو ولایتده سوو تاشقینلری باعث جبرلنگنلرنی تېکشیریش و اولر گه یاردم کورسه‌تیش اوچون نیچه کمیته تشکیل اېتگن.
ییر آستی سوولری پس توشیشی، هلاکتلی سوو تاشقینلری، حرارت درجه‌سی یوقاری‌لیگی، آز یاغیش، وقتیده یاغمسلیک و هوا رطوبتی اۉزگریشی افغانستانده اقلیم اۉزگریش بیلگی‌لریدن سنله‌دی.
بوندن آلدین بیرلشگن ملتلر تشکیلاتی نینگ ترقیاتی دستوری افغانستانده آب‌وهوا اۉزگریشیدن خواطر بیلدیریب، بو مملکتده ۶۸ فایز عایله‌لر قوروقچیلیک قیینچیلیگی بیلن دوچ دیر و بو مملکت نینگ ۱۶ فایز منطقه‌لری سوو تاشقینی یوز بیره‌دیگن جای‌لرده‌لیگینی اېتگن اېدی.
اقلیم اۉزگریشیدن ایکینچیلیک، تورلی خیل یشش و اکو سیستم‌لر، آست قورمه‌لر و برق، اورمان‌لر و طبیعی کورکم منطقه‌لر تاثیرلنه‌دی و دولت اداره‌لری و خلق‌ارا تشکیلات‌لر بوتوغریده چاره تدبیر کوریش‌لری کېره‌ک.
