متقی اسماعیل هنیه بیلن تلفونی علاقه ده عایله اعضالری اۉلدیریلیشی اوچون همدردلیک بیلدیردی
۸صبح، کابل: طالبان تشقی ایشلر وزیرلیگی سرپرستی امیرخان متقی حماس سیاسی دفتر باشلیغی اسماعیل هنیه بیلن تلفونی علاقهسیده، اونینگ عایله اعضالرینی اۉلدیریلیشی اوچون همدردلیک بیلدیرگن.
طالبان تشقی ایشلر وزیرلیگی سۉزلاوچیسی عبدالقهار بلخی ۲۳ حمل، پنجشنبه کونی ایکس صحیفهسیده ترقهتگن پیامیده هنیه بیلن متقی نینگ تلفونی گپلهگنیدن خبر بیرگن.
اونینگ کوپهیتیریشیچه، طالبان تشقی ایشلر وزیرلیگی سرپرستی فلسطین خلقی اوچون «چیدهملی صبر، ثبات و استقامت» طلب قیلگن.
معلوماتلر اساسیده، اسماعیل هنیه نینگ اوچ اوغلی و تورت نبیرهسی غزه ده اسراییل اردوسی هوا کوچلری نینگ هوا هجومی ده هلاک بولگنلر.
معلوماتلر گه قرهگنده، اسماعیل هنیه نینگ فرزندلری هییت اوچون غزه شمالی ده شاطی اردوگاهسیده عایله اعضالری و قرینداشلری نینگ کورگنی بارگن اېکنلر موترلری هوا آرقهلی نشانگه آلینگن.
باشقه تاماندن، رویترز اسراییل اردوسی اوشبو هجوم نی تصدیقلب و بو اوچ باله نی حماس قوراللی بولیمی عاملی عنوان قیلگنینی معلوم قیلگن.
اسماعیل هنیه اوغیللری نینگ آتلری حازم، امیر و محمد بولیب و هجوم طفیلی اوچ قیز و بیر اوغیل نبیرهسی اۉلدیریلگن.