سوریه اسراییل‌لیک راکته‌لرنی اۉریب توشیردی
سوریه مدافعه وزیرلیگی اسراییل تامانیدن دمشققه آتیلگن راکته‌لر اۉریب توشیریلگنیدن خبر بیرگن.
رویترز نینگ گزارشی اساسیده، سوریه مدافعه وزیرلیگی بیر بیانیه ترقه‌تیب بو راکته‌لر ۹ می، پنج‌شنبه کونی، جولان بلندلیکلریدن دمشققه آتیلگنینی معلوم قیلگن.
بو هجوملر نینگ مالی و جانی تلفاتی یوق‌لیگینی معلوم قیله‌دی، سوریه مدافعه وزیرلیگی.
اسراییل انچه ییلدن بېری سوریه ده ایران گه منسوب هدف‌لر گه قرشی هجوم اۉیوشتیرماقده، بیراق اۉتگن ییل ۷ اکتوبر حماس اسراییل توپراغی گه هجوم قیلگنیدن سۉنگ، بو هجوملر آشگن.
اوشبو ییل ۱ اپریل ده اسراییل دمشق ده ایران قنسولگرلیگینی نشانگه آلیب و سپاه پاسداران نینگ بیر قطار ییریک قوماندان‌لری نینگ اۉلیمی و بیرینچی مراتبه ایران نینگ اسراییل توپراغی گه هجوم قیلیشی گه سبب بولگن.
ایران ۱۳ اپریل شنبه کیچه دمشق ده تهران قنسولگرلیگیده اسراییل نینگ هجومی گه جواب، کمیده ۳۰۰ اوچووچی‌سیز اوچاق و راکته بیلن اسراییل توپراغی گه هجوم اۉیوشتیردی.
اوشه پیت اسراییل اردوسی، ایران اۉزی نینگ مستقیم حربی بیرینچی هجومیده، ۱۸۵ اوچووچی‌سیز اوچاق، ۳۶ کروز راکته و ۱۱۰ ییرمه‌ییر راکته نی اسراییل تامان آتگنینی اېتگن اېدی.
