بدخشان ده مردمی ناراضی‌لیک؛ درایم دن سۉنگ ارگو و جرم ده احوال کېسکین‌لشگن
۸صبح، بدخشان: بدخشانده‌گی محلی منبعلر نینگ ایتیشلریچه، «درایم» تومنیده طالبان گه قرشی مردمی ناراضی‌لیک‌لردن سۉنگ اوشبو ولایت نینگ ارگو و جرم تومنلریده احوال کېسکین‌لشگن.
ناراضچیلردن بیرقطاری ۱۵ ثور، شنبه کونی ۸صبح کونده‌لیگی گه بیرگن بیانات‌لریده پشتون‌تبارلی طالبان مملکت ده ایکّینچی مرته حاکمیت نی آلگنیدن سۉنگ «عیاللر و خصوصی حریم‌لری گه تجاوز» قیلگنینی تصدیقله‌یدیلر.
ناراضچیلر بدخشان ولایتی درایم، ارگو و جرم تومنلریدن طالبان چیقیشینی اېسته‌یدیلر.
حاضرگی کونده مذکور اوچ تومن نینگ بازارلریده بوتون دکانلر یاپیلگن و درایم تومنی اېریم منطقه‌لریده اهالی طالبان گه قرشی قوراللنگن.
منبعلر گه کوره، طالبان اهالینی سرکوب اېتیش مقصدیده اوشبو اوچ تومن گه کوپ سانده جنگری یوللـه‌گن و اهالینی نشانگه آله‌دیلر.
پشتون‌تبار طالبان جنگری‌لری نینگ ناراضیچیلر گه اوق آتیشی عاقبتیده حاضرگچه بیر کیشی هلاک بولیب وباشقه بیر کیشی یره‌لنگن.
عین‌حالده، اۉتگن کون بدخشان ولایتیده طالبان جنگری‌لری و ناراضچیلر آره‌سیده‌گی توقنشووده، محل یشاوچیلریدن بیری هلاک بولیب و چمه‌سی ۱۰ کیشی یره‌لنگن.
بو ناراضی‌لیک نمایش‌لر طالبان جنگری‌لری تامانیدن بیر تینچ اهالی اۉلدیریلگچ باشلنگن.
