روسیه: فلسطین ماجراسی حربی یول بیلن حل بولمه‌یدی
روسیه نینگ بیرلشگن ملتلر تشکیلاتیده دایمی وکیلی واسیلی نبنزیا ېنه بیر بار غزه ده آتیش کېسین قرار اېتیلیشی گه تاکیدلب، فلسطین ماجراسی حربی یول بیلن حل بولمسلیگینی بیلدیرگن.
نبنزیا ۱ می، چهارشنبه کونی بیرلشگن ملتلر تشکیلاتی ییغیلیشیده، اۉرته شرق ده‌گی کېکسین‌لیکلر گه چېک قوییش اوچون بیرینچیدن فلسطین مستقل بیر مملکت صفتیده اوشبو تشیکلات گه اعضا بولیشی کېره‌ک دیگن.
اونینگ کوپه‌یتیریشیچه: «بو معما شرط‌سیز آتیش کېسین برقرار اېتیلیشی و عادلانه سیاسی ییچیم یول احتماللری خصوصیده جدی مذاکره‌لر باشلنگن حالده حل بولیشی ممکن.»
اونگه کوره، فلسطین نینگ بیرلشگن ملتلر تشکیلاتی گه تولیق اعضا بولیشی اسراییل و فلسطین گروه‌لرینی دستلبکی مذاکره‌لرده «موازنتلی و تېنگ» موقعیت گه قرار بیره‌دی.
روسیه‌لیک اوشبو دیپلمات نینگ کوپه‌یتیریشیچه: «فلسطین نینگ بیرلشگن ملتلر تشکیلاتی گه مستقل بیر مملکت اوله‌راق اعضا بولیشی، اۉرته شرق ده‌گی کېکسین‌لیکلر گه چېک قوییلیشی گه سبب بولیشی ممکن.»
آی‌زد خبری وب‌سایتی نینگ گزارشی اساسیده، میلادی اۉتگن آی ده خوفسیزلیک کینگشی نینگ ۱۲ اعضاسی جمله دن روسیه و چین فلسطین نینگ بیرلشگن ملتلر تشکیلاتی گه تولیق اعضا بولیش قطع‌نامه گه مثبت آواز بیرگن اېدیلر، بیراق امریکا ونی وتو قیلگندی.
ایتیش کېره‌ک که فلسطین مستقل بیر مملکت اوله‌راق بیرلشگن ملتلر تشکیلاتی گه اعضا ۱۴۰ مملکت تامانیدن تن آلینگن و ۹۵ مملکتده ایلچی‌خانه‌سی و دایمی نماینده‌لیگی موجود دیر.
نیچه کون آلدین فلسطین خودگردان تشکیلاتی نینگ اداره باشلیغی محمود عباس، بیرلشگن ملتلر تشکیلاتیده اوشبو مملکت تولیق اعضا بولیشی گه دایر خوفسیزلیک کینگشی نینگ قطع‌نامه‌سی امریکا تامانیدن وتو بولیشی گه مناسبت بیلدیریب مملکتی واشنگتن بیلن مناسبتینی قیته کوریب چیقیشینی اېتگن اېدی.
عباس امریکا نینگ بو اقدامینی امیدسیزلیک، مسوولانه‌سیزلیک اته‌ب و فلسطین خلقی نینگ حقوقینی انیق نقض قیلیش عنوان قیلگن اېدی.
