ایران: بیرلشگن ملتلر تشکیلاتی افغانستان‌لیک قاچقینلرنی مملکتلری گه قیتیشی اوچون قولی‌لیک یره‌تیشی کېره‌ک
۸صبح، کابل: ایران نینگ افغانستان اوچون ایلچیسی و مخصوص وکیلی حسن کاظمی قمی گه کوره، بیرلشگن ملتلر تشکیلاتی قاچقینلر نینگ ایچکی قیینچیلیک‌لری حل اېتیلیشی و مملکتلری گه قیتیشی اوچون قولی‌لیک یره‌تیشی کېره‌ک.
قمی بو بیانات نی ۲۴ ثور، دوشنبه کونی افغانستانده بیرلشگن ملتلر تشکیلاتی نینگ نماینده‌لیک اداره (یوناما) باشلیغی رزا اوتنبایوا بیلن اوچره‌شووده بیان قیلگن.
بو سۉزلر عین‌حالده بیان بولماقده که نیچه کون آلدین تهران نینگ فقرالر ایشلری بوییچه اداره سرپرستی احسان حیدری ۱۴۰۳ ییل نوروز بیرمیده، اوشبو شهر دن افغانستان‌لیک قاچقینلر نینگ چیقریش جریانی اوچ برابر کوپه‌یگنینی معلوم قیلگن اېدی.
باشقه تاماندن، کابل ده ایران ایلچیسی بیرلشگن ملتلر تشکیلاتیدن، افغانستان وضعیتی گه دایر دوحه اوچینچی ییغیلیشیده افغانستان و منطقه ده‌گی واقعیت‌لر گه جدی اعتبار قره‌تیشینی اېسته‌گن.
کاظمی قمی نینگ کوپه‌یتیریشیچه، بیرلشگن ملتلر تشکیلاتی منطقه مملکتلر نینگ همکارلیگی بیلن «افغانستانده سیاسی عادلانه ترتیب» شکللنیشی اوچون یاردم بیریشی کېره‌ک.
بیرلشگن ملتلر تشکیلاتی افغانستان وضعیتی گه دایر دوحه اوچینچی ییغیلیشی اۉتکزیلیشی اوچون تیارگرلیگیدن خبر بیریب و طالبان بو ییغیلیشده قتنه‌شیش گه امید بیلدیرگن.
اوشبو ییغیلیشده افغانستان ایشلری بوییچه مملکتلر نینگ مخصوص وکیللری چیقریلیشی کوتیله‌دی.
