شمالی کوریا هسته‌ای هجوم گه ضد مشق اۉتکزدی
شمالی کوریا اردوسی امریکا و جنوبی کوریا نینگ حربی قۉشمه مشق‌لری گه جواب، هسته‌ای هجوم گه ضد عینی مشق یولگه قویگن.
رویترز ۲۲ اپریل، دوشنبه دن سه‌شنبه گه اوتکر کیچه، بو مملکت «هسته‌ای ماشه» نامی آستیده یدراو باشقرو تېزیمینی سیناو دن اۉتکزگنی حقیده گزارش بیرگن.
اوشبو گزارش اساسیده، شمالی کوریا نینگ توپخانه کوچلری اتمی قابلیت‌لرینی آشیریش مقصدیده اوشبو حربی مشققه اشتراک اېتگنلر.
شمالی کوریا ییتکچیسی کیم جونگ اون هسته‌ای هجوم گه ضد مشق‌لرنی یقیندن کوزه‌تگن.
معلومات‌لر اساسیده، شمالی کوریا کوچلری اوشبو مشق ده عملی شکلده هسته‌ای کلاهک‌لردن قوللنگنلر.
ایتیش کېره‌ک که پیونگ یانگ نیچه آی آلدین تاکتیکی هسته‌ای هجوم مشقینی یولگه قوییب و بو مشق ده جنوبی کوریا مرکزی قوماندان‌لیگی و هوا پایگاه‌لرینی شبیه‌سازلیک قیلگن اېدی.
مملکتلر اینیقسه امریکا قۉشمه ایالتلری نینگ قرشی‌لیگی بیلن، شمالی کوریا حربی مشق و قوراللی سیناولرینی آشیرگن.
نیچه کون آلدین بیرلشگن ملتلر تشکیلاتیده امریکا قۉشمه ایالتلری نینگ وکیلی لیندا توماس گرینفیلد، مملکتی پیونگ‌یانگ گه ینگی تحریملرنی وضع اېتیش گه تلاش قیلماقده‌لیگینی اېتگن اېدی.
گرینفیلد شمالی کوریا نینگ هسته‌ای و راکته فعالیت‌لرینی محدود قیلیش اوچون بو تحریملر وضع اېتیلیشینی اېتگن.
اونگه کوره، واشنگتن بیرلشگن ملتلر تشکیلاتی ایچی و تشقریسیده، سۉنگی ۱۵ ییلده شمالی کوریا گه قرشی تحریملرنی نظارت قیلگن ناظر ایش بیلرمان‌لر گروهینی اۉرنه‌تیش گه سعی-حرکت قیلماقده.
