امریکا ده طلبه‌لر نینگ ناراضیلیک نمایشی؛ فلسطین طرفداری بولگن ۹۰۰ نمایشچی حبس گه آلیندی
امریکا پولیسی سۉنگی ۱۰ کون ایچیده اوشبو مملکت بیلیم یورت‌لریده فلسطین دن طرفدارلیک قیلیب ناراضیلیک بیلدیرگن کمیده ۹۰۰ نمایشچینی حبس گه آلگن.
واشنگتن‌پوست ۲۸ اپریل، یک‌شنبه کیچه امریکا بیلیم یورت‌لری سۉنگی کونلرده غزه اوروشی ده واشنگتن نینگ اسراییل دن حمایت اېتیشی گه دایر طلبه‌لر و استادلر نینگ کېنگ کولملی ناراضیلیک نمایش‌لری گواه بولگنینی یازگن.
گزارش اساسیده، اوشبو مدت ایچیده امریکا بیلیم یورت‌لری تورلی اسلوب‌لر بیلن طلبه‌لر نینگ ناراضیلیک نمایش‌لرینی پسه‌یتیرگن.
۲۰۲۴ ییل امریکا جمهورلیک ریاستی سیلاوی گه نامزد قیلگنلردن جیل استاین، «سنت‌لوئیس» میسوری ده واشنگتن بیلیم یورتیده فلسطین حامی‌لری نمایشی گه حضور تاپگنی اوچون قولگه آلینگن.
بوندن آلدین، امریکا رسمی‌لری قریب ۶۰۰ نمایشچی قولگه آلینگنینی اعلام قیلگن اېدیلر.
ایتیش کېره‌ک که امریکا ده طلبه‌لر نینگ ناراضیلیک نمایشی، نیویارک ده کلمبیا بیلیم یورتیده طلبه‌لر نینگ تحصنی‌دن سۉنگ اوج آلگن.
شو بیلن بیرگه، آق‌سرای فلسطین طرفدارلری نینگ ناراضیلیک نمایشی مسالمت‌آمیز شکلده قالیشینی تاکیدله‌گن.
امریکا ملی خوفسیزلیک کینگش سۉزلاوچیسی جان کربی، آق‌سرای مسالمت‌آمیز ناراضیلیک بیلدیرگنلر گه حرمت قیله‌دی، بیراق «یهودستیزلیک» نی قاره‌لشینی اېتگن.
کربی نینگ کوپه‌یتیریشیچه: «یهودستیزلیک نی بوتونلی قاره‌له‌یمیز و نفرتلی و زوره‌وانلیک تهدیدلرنی قتیق طرزده محکوم قیله‌میز.»
اسراییل غزه ده هوا هجوملری گه دوام بیریب و حاضر رفح شهری گه هجوم قیلیش اوچون تیارگرلیک کورماقده اېکن بو ناراضیلیک نمایش‌لر یولگه قوییلگن.
طلبه‌لر فلسطین دن طرفدارلیک قیلیش و غزه ده اسراییل نینگ حربی حرکت‌لری گه قرشی ناراضیلیک بیلدیریب و «اسراییل آپارتایدی دن فایده‌لنه‌یاتگن» کمپنیه‌لر بیلن همکارلیک قیلینمسلیگینی اېسته‌یدیلر.
