سۉنگی کونلرده سوو تاشقینلریدن جبرلنگن بدخشان و تخار یشاوچیلری یاردم بیریلیشینی اېستهیدیلر
سۉنگی کونلردهگی موسمی یاغینچیلیک تخار و بدخشان ولایتلریده سوو تاشقینی گه سبب بولیب، انسانی تلفات گه قۉشیمچه مذکور ولایت یشاوچیلری گه آغیر مالی ضرر یېتکیزگن.
تخار و بدخشان ولایتلریده سوو تاشقینلریدن جبرلنگنلر نینگ ایتیشلریچه، طالبان و یاردم بیرووچی تشکیلاتلر حاضرگچه اولر گه یاردم کورستمهگن و قیین احوالده تېریکچیلیک قیلماقدهلر.
بدخشان ولایتیده سوو تاشقینلریدن جبرلنگنلر نینگ ۸صبح کوندهلیگی گه ایتیشلریچه، اوشبو ولایت نینگ بهارک، جرم، کرانومنجان، شهدا، راغستان، یفتل پایان، کشم و ارگوی تومنلریده سوو تاشقینی یوز بیرگنیدن ایکّی هفته اۉتگچ، حاضرگچه اولر گه یاردم کورسهتیلمهگن.
سوو تاشقینلری طفیلی جبرلنگنلر، طالبان نی اهالی نینگ قیینچیلیکلری حلی اوچون کوچسیزلیکّه عیبلب و یاردم بیرووچی تشکیلاتلردن حاضرگی قلتیس شرایط ده اولر گه یاردم بیریشلرینی اېستهیدیلر.
اۉتگن هفته بدخشان ولایتی یفتل تومنیده کیچه سوو تاشقینی یوز بیرگن بو سوو تاشقینی جانی تلفات گه قۉشیمچه، محل یشاوچیلری گه مالی آغیر ضرر یېتکیزگن. اتفاق بازاری و یفتل تومنی تورلی حدودلریده سوو تاشقینی، ۳۰ دن آرتیق یشش اوی، قریب ۱۰ دکان، ۵۰ جریب ایکینچیلیک ییر و نیچه کیلومتر سرک بوزیلیشی گه سبب بولیب و دکاندارلر گه قریب ۱۲ میلیون افغانی مالی نقصان یېتکیزگن.
شونینگدیک بدخشان ولایتی شهدا و راغستان تومنلری حدودلریده ۳ ثور دوشنبه کیچه یوز بیرگن سوو تاشقینلریده ۸۴ یشش اوی، ۱۵۰ جریب ایکینچیلیک ییر، بیر ساغلیق مرکز و فیضآباد سرکی نینگ قسملری بوزیلگن. بو واقعه ده سراچه و کرولا رسوملی اوچ موتر برچه یولاوچیلری بیلن لادرک بولیب و اوشبو تومنلرده ایکّی باله قربان بولگن.
بدخشان ولایتی تشکان تومنیدهگی منبعلر، بو تومنده دهشتلی سوو تاشقینی یوز بیرگنیدن خبر بیرگنلر. اولر نینگ ادعاسی اساسیده، اوشبو واقعه ده ۵۰ یشش اوی، ۱۰۰ جریب ایکینچیلیک ییر، ۱۰۰ جریب باغ، نیچه تیگیرمان، کوپریک و کوپریکچهلر همده تومن عمومی یولی نینگ قسملری بوزیلیب و باشقه اونلب باش چاروا تلف بولگن.
تخار ده سوو تاشقینلری عاقبتیده ۱۷عایله نینگ یوقالیشی
تخار ولایتیده یاغینچیلیک و سوو تاشقینلری، بیر قنچه عایلهلر نینگ یوقالیشی گه قۉشیمچه، قریب ییتّی مینگ جریب ایکینچیلیک ییر و ۲۳ یشش اوی بوزیلیب و ۳۰ باش چاروا تلف بولگن.
تخار ده طالبان طبیعی آفتلرنی باشقریش ایشلری بوییچه ریاستی مسووللری نینگ ایتیشلریچه، اۉتگن هفته بو ولایت نینگ ورسج، فرخار، ینگیقلعه و اشکمش تومنلریده کوچلی یاغینچیلیک یشاوچیلر گه کوپ مالی نقصان یېتکیزگن.
اوشبو تومنلر یشاوچیلری گه کوره، باشقه اوچ واقعه ده ینگیقلعه، فرخار و ورسج تومنلریده ییتّی عایله و اشکمش تومنیده ۱۰ عایله یوقالیب و حاضرگچه اولردن هېچ خبر یوق.
۹ ثور، یکشنبه کونی تخار ولایتی رستاق تومنیده یوز بیرگن سوو تاشقینیده هېچ کیم جانی تلفات کورمهگن بولسه ده، بیراق محل یشاوچیلری گه کوپ مالی نقصان یېتکیزگن. سوو تاشقینلری عاقبتیده ۴۰ دن آرتیق یشش اوی، قریب ۲۰۰ ایکینیچلیک ییر و رستاق تومنی عمومی سرکی بوزیلگن.
سوو تاشقینلریدن جبرلنگنلر نیمه دیېدی؟
منبعلر ۸صبح کوندهلیگی بیلن اۉتکزگن صحبتلریده، واقعه دن نیچه کون اۉتگچ سوو تاشقینلریدن جبرلنگنلر گه حاضرگچه یاردم کورسهتیلمهگن.
سوو تاشقینلری باعث جبرلنگنلردن بیرقطاری نینگ ایتیشلریچه، طالبان عملدارلری سوو تاشقینلری یوز بیرگن منطقهلرنی یالغیز کوزهتیش اوچون کېلیب و نیچه صورت آلیب کېتهدیلر؛ بیراق اولر نینگ کمکی دن هېچ خبر یوق. بدخشان یفتل تومنی اتفاق بازاری ده دکاندار و سوو تاشقینی باعث جبرلنگنلردن حکیمالله، ۸صبح کوندهلیگی بیلن اۉتکزگن صحبتیده ایتیشیچه: «اۉز دکانیم شامل باشقه ۲۰ ن آرتیق دکان نینگ نرسهلرینی سوو آلیب کېتگن و باشقه نیچه قیشلاق ده ایکینچیلیک ییرلر و باغلر یوق بولگن. اولسوال و امنیه قوماندان [طالبان] محل نی کوزهتیب و نیچه صورت آلیب کېتدیلر؛ بیراق اولر نینگ یاردمیدن حاضرگچه هېچ خبر یوق.»
یفتل تومنی یشاوچیلریدن باشقه بیری نیک محمد گه کوره: «طالبان حاکمیتیدن سۉنگ یشاوچیلر نینگ اقتصادی احوالی گه قرهگنده، یشش اویلر و ایکینچیلیک ییرلری و باغلرینی قیته قوریش گه توانلری یوق دیر. یاردم اوچون طالبان تومنی گه مراجعت قیلدیک، لېکن واقعه دن سکیز کون اۉتگچ حاضرگچه یاردم کورسه تیلمهگن.«
بدخشان تشکان تومنیده سوو تاشقینی باعث جبرلنگنلردن خیرالله نینگ ایتیشیچه، قریب ۳۰ باش چارواسی بولیب و اولر نینگ برچهسی شنبه کیچه دهگی سوو تاشقینیده تلف بولگن. او طالبان و یاردم بیرووچی تشکیلاتلردن اوشبو تومنده سوو تاشقینی باعث جبرلنگنلر گه تېزلیک بیلن یاردم بیریشلرینی اېستهیدی.
باشقه تاماندن، تخار یشاوچیلریدن بیرقطاری بو ولایتده طالبان محلی مسووللرینی قیینچیلیکلری حلی خصوصیده کوچسیزلیکّه عیبلهیدیلر. اولر ایچکی و خارجی یاردم بیرووچی تشکیلاتلردن جبرلنگنلرنی قۉللب-قوتلشلرینی اېستهیدی.
تخار ولایتی اشکمش تومنیده سوو تاشقینی طفیلی جبرلنگن سردار گه کوره، طالبان و یاردم بیرووچی تشکیلاتلر تامانیدن حاضرگچه اولر گه یاردم کورسه تیلمهگن. او ۸ صبح کوندهلیگی بیلن اۉتکزگن صحبتیده ایتیشیچه: «سوو تاشقینی برچه قیشلاقلریمیز و ایکینچیلیک ییرلریمیزنی بوزدی. بیراق مسووللر جبرلنگنلرنی تېکشیریش اوچون بوش قول بیلن کېلیشدی. اهالی نینگ تېز یاردم گه احتیاجی بار، تېکشیرو اضطراری قیینچیلیک نی حل قیلمهیدی.»
تخار ولایتی یشاوچیلریدن باشقه بیری سعیدالدین گه کوره، سوو تاشقینلری آلدی آلینیشی اوچون، فرخار تومنی یشاوچیلری طالبان حاکمی گه مراجعت قیلگن، بیراق او هېچ یاردم بیرمهگن.
تخار و بدخشان ولایتلریده طبیعی آفتلرنی باشقریش ایشلری بوییچه طالبان محلی مسووللری، اولر سوو تاشقینلری طفیلی جبرلنگنلرنی تېکشیرماقدهلیکلرینی معلوم قیلهدیلر.
بدخشانده طالبان طبیعی آفتلرنی باشقریش ایشلری بوییچه ریاست آمری محمد کامگار گه کوره، تېکشیریش جریانی یکونیدن سۉنگ بو ولایتده سوو تاشقینلری طفیلی جبرلنگنلر گه یاردم بیریش جریانی باشلنهدی.
تخار ده طالبان طبیعی آفتلرنی باشقریش ایشلری بوییچه باشلیغی احمد سیر ساجد نینگ ایتیشیچه، اوشبو ولایتده ایچکی و خلقارا تشکیلاتلر نینگ همکارلیگی بیلن طبیعی آفتلر باعث جبرلنگنلر گه یاردم بیریش گه سعی-حرکت قیلماقده. بو واقعهلر نینگ بیر قنچهسی سوو تاشقینی باعث یوز بیریب و هر ییلی اوشبو منطقهلر اهالیسیدن قربانلیک آلیشینی بیلدیرهدی، تخار ده طالبان طبیعی آفتلرنی باشقریش ایشلری بوییچه باشلیغی احمد سیر ساجد.
ایتیش کېرهک که طبیعی آفتلر کوکلم و یاز موسملریده مملکت نینگ تورلی منطقهلری یشاوچیلری گه هردایم مالی و جانی ضرر یېتکزهدی.