اوکراین شرقی چېگرهلردهگی اوچ قیشلاق دن آرتگه چېکیندی
اوکراین جمهور باشلیغی ولادیمیر زلنسکی نینگ اروپا اتفاقی و ناتو گه قوشیلیشی اوچون رسمی مذاکرهلر باشلهنیش گه دایر طلبیدن سۉنگ، اوشبو مملکت اردوسی شرقی چېگرهلردهگی اوچ قیشلاق دن آرتگه چېکینگن.
رویترز نینگ گزارشی اساسیده، اوکراین قوراللی کوچلری نینگ عمومی قوماندانی الکساندر سیرسکی، ۲۸ اپریل، یکشنبه کونی کوچلری اودیوکا شمالی ده بردیچی و سمنیوکا غربی ده ینگی پوستهلری گه قیتگنینی اېتگن اېدی.
اوروش ده روسیه حربی کوچلری آلغه باریشی بیلن، اوکرین اردوسی مذکور مملکت شرقی ده آرتگه چېکینیشگن.
اۉتگن کون روسیه مدافعه وزیرلیگی، بو مملکت حربی کوچلری بردیچی یقینیده نووباخموتیوکا قیشلاغینی تصرف قیلگنینی ادعا قیلگندی، بیراق اوکراین اردوسی بوتوغریده حاضرگچه فکر-ملاحظه بیلدیرمهگن.
عینحالده، اوکراین جمهور باشلیغی ولادیمیر زلنسکی ایکّی کون آلدین روسیه کوچلری اوشبو مملکت نینگ برق و آست قورمهلری گه هجوم قیلگنیدن خبر بیرگن اېدی. اونگه کوره: «روسیه اوشبو مملکت نینگ برق همده اروپا گه صادر بولهیاتگن گاز آست قورمهلرینی نشانگه آلگن.»
او دنیا همجمعیتدن بو مملکت نینگ هوا پدافندی تېزیملرینی کوچلنتیریشینی اېستهگن.