پوتین چین ده
چین ایکّی کون روسیه جمهور باشلیغی ولادیمیر پوتین میزبانی اېدی. چین جمهور باشلیغی شی جین پینگ، بیجینگ ده روسیه‌لیک همکسبی نی قیزیق کوتیب آلدی. بو پوتین نینگ آنت ایچیش مراسمی و بیشینچی مراتبه جمهور باشلیغ اوله‌راق تنلنگنیدن سۉنگ بیرینچی خارجی سفری دیر. پوتین اۉتگن ییل اکتوبر آی ده کمربند و جاده خلق‌ارا اوچینچی ییغیلیشده قتنه‌شیش اوچون چین گه سفر قیلیب و اوشبو ییغیلیش دایره‌سیده شی بیلن اوچره‌شدی. بو روسیه نینگ اوکراین گه هجوم قیلگنیدن سۉنگ بیرینچی سفری اېدی. شونینگدیک شی اۉتگن ییل مارچ آی ده اوچینچی بار جمهور باشلیغ تنلنگچ بیرینچی مرته مسکو گه سفر قیلیب و روسیه عملدارلری بیلن اوچره‌شدی. معلومات‌لر اساسیده، بو پوتین و شی نینگ ۴۳ مراتبه اوچره‌شووی سنله‌دی.
بو سفر نیچه جهتدن مهم دیر:
۱- روسیه و چین ناتو نینگ شرق تامان گه کونسه‌یین نفوذ قیله‌یاتگنیدن خواطرده، اوکراین گه هجوم بو ادعا گواهی دیر. شونینگدیک چین غرب دولتلری نینگ کېتمه-کیت اېسته‌گیگه اعتبار بیرمسدن بو هجومنی قاره‌لمسلیک غرب نینگ نفوذ قیلیشی گه قرشی سېزگیرلیگینی کورسته‌دی. اوندن کوره مهم‌راغی غرب دولتلری بو ایکّی دولت نینگ اتفاق بولیشینی منفعت‌لری اوچون کتّه تهدید بیله‌دیلر. مثال اوچون ناتو باش کاتبی ینس استولتنبرگ اوشبو ییل اپریل آی ده یېتکرمه‌لردن بیری بیلن اۉتکزگن صحبتیده: «اقتدارگرالر بیر-بېرینی عملی قۉللب-قوتله‌یدی.» اقتدارگرالردن اونینگ مقصدی چین، روسیه، ایران و شمالی کوریا دیر. شونینگدیک نیچه کون آلدین بریتانیا باش وزیری ریشی سوناک مذکور مملکتلر اتفاق قوریشینی غرب عالمی نینگ منفعتی گه ضد اته‌گن اېدی. او بو مملکتلرنی ظالم اته‌ب و اولر بیر-بیری نینگ یاردمی بیلن غرب عالمی و قدریت‌لرینی ضعیف اېتیش گه اۉرینماقده‌لیگینی اېتگندی. شونینگدیک امریکا تشقی ایشلر وزیری آنتونی بلینکن اوکراین گه سۉنگی سفری دایره‌سیده غرب ایکّی عملداری نینگ بیانات‌لرینی تصدیقلب چین، ایران و شمالی کوریا اوکراین اوروشیده روسیه نی قۉللب-قوتله‌ماقده‌لیک‌لرینی بیلدیردی. غرب اوشبو اوچ مقامی نینگ بیانات‌لری بیلن، پوتین نینگ بیجینگ گه سفری و قیزیق طرزده کوتیب آلینیشی اقتدارگرالر نینگ اتفاق بولیشیدن درک بیره‌دی.
۲- روسیه اوکراین گه هجوم قیلیشیدن سۉنگ غرب دولتلری تامانیدن تحریم بولدی. بونگه قۉشیمچه اوروش باشلنگنیدن ایکّی ییل نیچه آی اۉتماقده و اوزاق چوزیلگن حالده مسکو اقتصادی ضعیف بولیشی ممکن. شونی اوچون غرب دولتلری نینگ تحریملری کوپ تاثیر قیلمسلیگی باعث دنیا ده اقتصادی نقطه‌ی نظردن ایکّینچی اۉرین گه قرار تاپگن چین کبی متحدلری گه نیازمند دیر. بوتوغریده چین دن باشقه مملکت مسکو نینگ احتیاج‌لرینی تامینله‌ی آلمه‌یدی. البته بیجینگ هم مسکو نینگ اېسته‌گیگه لبیک دیگن. معلومات‌لر اساسیده، اوکراین اوروشیدن کېین ایکّی تامان اۉرته‌سیده تجارت مقداری نه‌فقط کمه‌یمه‌گن بلکه کوپه‌یگن؛ بو روسیه گه قرشی غرب تحریملرینی تاثیرسیز قیله‌دی. چین میلادی اۉتگن ییلده روسیه نینگ نفتینی اېنگ کوپ ساتیب آلگن مملکت دیر که عربستان نی ایکّینچی اۉرینده چېکلنتیردی. مسکو اۉز احتیاج‌لری باعث ارزان نرخ ده چین گه نفت ساتووچی بیرینچی مملکت گه اېلنگن. اۉتگن ییلده ایکّی تامان اۉرته‌سیده‌گی سودا حجمی ۲۴۰ میلیارد دالر بولگن که ۶۴ فایزی اوکراین تینچ بولگن وقت گه تېگیشلی دیر. البته ایکّی تامان اۉرته‌سیده‌گی سودا مناسبتی موازنت‌سیز دیر؛ بو معنا ده که چین کوپراق سود قیله‌دی. بیجینگ مسکو نینگ بیرینچی تجاری شریکی دیر، بیراق روسیه چین نینگ آلتینچی شریکی سنله‌دی. حاضرگی کونده مسکو اوچون تجارت موازنتینی سقلش اونچه‌لیک اهمیتی یوق دیر.
۳- معلومات‌لر اساسیده، روسیه اوشبو کونلر اوروش میدانیده نسبتن یخشی‌راق حرکت قیلماقده. اوکراین شمال‌شرقی شهری خارکیف، سۉنگی کونلرده کوچلی توقنشوو، روسیه حربی کوچلری نینگ قسمی آلغه باریشی و اوکراین حربی کوچلری نینگ قسمی آرتگه چېکینیش گواهی بولگن. عین‌حالده، امریکا نینگ اوکراین اوچون ۶۱ میلیارد دالرلیک یاردمی یولگه دیر. اوکراین جمهور باشلیغی ولادیمیر زلنسکی، روسیه حربی کوچلری نینگ آلغه باریشی گه توسیق بولیش مقصدیده خارجی برچه سفرلرینی بیکار قیلگن، بیراق پوتین خلق‌ارا کیفری محکمه تامانیدن اېزلنماقده اېکن مخصوص تشریفات بیلن دنیا ده‌گی بویوک قدرت‌لردن بیری نینگ مهمانی دیر. متهم تانیلگن کیشی باشقه‌لر نینگ مهمانی و متهم بولمه‌گن کیشی سفرینی بیکار قیلیش قیزیق دیر. بو اوکراین نینگ احوالی حقیقتن چتاق‌لیگیدن درک بیره‌دی. پوتین نینگ چین گه سفری احتمال غلبه قازانیش پیامینی غرب گه یوللش بولیشی ممکن.
۴- پوتین دن میزبان‌لیک قیلیش چین اوچون اهمیتلی بولیشی ممکن. نیچه کون آلدین بیجینگ امریکا تشقی ایشلر وزیری نینگ میزبانی اېدی. شونینگدیک شی اروپا گه قیلگن سفری دایره‌سیده فرانسه، صربستان و مجارستان مملکتلرینی باریب کوزه‌تدی، حاضر مملکتلر اینیقسه غرب مغلوب قیلیشنی آرزو قیلگن دولت باشلیغیدن میزبان‌لیک قیلگن. چین نینگ اوشبو میزبان‌لیک و مهمان‌لیک دن فایده‌سی برچه اوچون ایشانچلی واسطه‌چی بولیشینی مخابره قیلیش دیر. البته بوتوغریده بیر آز موفق هم بولگن. روسیه نینگ اونگه واسطه‌چی اوله‌راق ایشانچی بونی اوچون آیدین مثال دیر. مثال اوچون پوتین سفری دن بیر کون آلدین چین یېتکرمه‌سی شینهوا آژانسی بیلن انترویوسیده اوکراین اوروشیده چین نینگ واسطه‌چیلیگینی آلقیشلب ایتیشیچه: «بیجینگ بو بحران آرقه‌سیده‌گی نرسه نی بوتکول درک قیله‌دی.» اروپا اتفاقی واسطه‌چی اوله‌راق اونگه آزراق ایشانه‌دی. شونی اوچون نیچه مراتبه واسطه‌چیلیک قیلیشنی اېسته‌گن؛ چونکه پوتین شی نینگ سۉزلرینی قبول قیلیشگه ایشانه‌دی. بیراق بونگه اېریم توسقین‌لیک بار. مثال اوچون ناتو باش کاتبی اۉز بیاناتیده چین بیر وقت ایچیده ایکّی تامان (غرب و روسیه) ایشانچینی قولگه کېریته آلمه‌یدی. شونینگدیک، بلینکن اوکراین گه سۉنگی سفری دایره‌سیده چین هم اروپا بیلن یخشی مناسبتی بولیشنی اېسته‌یدی و هم روسیه نی قۉللب-قوتلشنی، بو ممکن‌سیزلیگینی اېتگن. شونی اوچون چین نینگ اروپا و امریکا بیلن مناسبتی حاضرگی ده‌ی قاله‌دیمی یا که روسیه نی قۉللب-قوتلش عیبی بیلن کېکسین لشه‌دی.
