بلوچستانده ناتانیش قوراللی کیشیلر ییتّی آرایشگرنی آتیب اۉلدیردی
پاکستان پولیسی گه کوره، اوشبو مملکت نینگ بلوچستان ایالتیده ناتانیشی قوراللی کیشیلر ییتّی آرایشگرنی آتیب اۉلدیریب و باشقه بیر نفرینی یره‌دار قیلگنلر.
دان کونده‌لیگی نینگ معلوماتی اساسیده، بو واقعه ۹ می، پنج‌شنبه کونی بامداد چاغی «گوادر» بندری شهری ده یوز بیرگن.
پاکستان پولیسی گه کوره، اوشبو کیشیلر یاتگن جایلریده ناتانیش قوراللی کیشیلر تامانیدن آتیب اۉلدیریلگن.
واقعه قربان‌لری پاکستان نینگ پنجاب ایالتی اصلی یشاوچیسی اېکنلر.
پاکستان پولیسی، واقعه گه دایر تدقیقات‌لر باشلنگن و عامللرینی قولگه آلیش اوچون سعی-حرکت قیلماقده‌لیکلرینی بیلدیرگن.
سۉنگی آی‌لرده پاکستان نینگ بلوچستان ایالتی اینیقسه پنجاب ایالتی شهرلری ده تینچ اهالینی نشانگه آلیش هجوملر کوپه‌یگن.
اۉتگن ییل ۲ جنوری ده پاکستان نینگ شمالی وزیرستان ده ایکّی اېرکک آرایشگر نینگ جسدی تاپیلگن اېدی.
