اچکزی: طالبان قندهار ده امریکا نینگ اوچووچی‌سیز اوچاق‌لری اوچیشی اوچون پایگاه قورگن
۸صبح، کابل: پاکستان بلوچستان ایالتی نینگ اطلاعات سابق وزیری جان اچکزی، طالبان امریکا قۉشمه ایالتلری نینگ استخباراتی پیمان‌کارلری بیلن همکارلیک قیلیب و قندهار ده امریکا نینگ اوچووچی‌سیز اوچاق‌لری اوچیشی اوچون پایگاه قورگنلرینی ادعا قیلگن.
اچکزی بو بیانات نی ۱۳ حمل، دوشنبه کونی ایکس صحیفه‌سیده یازگن.
پاکستان بلوچستان ایالتی اطلاعات سابق وزیری گه کوره، طالبان خراسان داعش بولیمی بیلن قرشی کوره‌ش اوچون بو اقدام‌نی قیلگن.
سۉنگی نیچه کون ایچیده مملکت آسمانیده ناتانیش اوچووچی‌سیز اوچاق‌لر نینگ اېلنیشی گه دایر اېریم گزارشلر ترقه‌لگن.
بو اوچاق قیسی مملکت گه منسوب‌لیگی بیللی بولمسه ده، بیراق طالبان سۉزلاوچیسی ذبیح‌الله مجاهد ۱۲ حمل، یک‌شنبه کونی مذکور اوچاق‌لر نینگ مملکت آسمانی گه اېلنیشی گه مناسبت بیلدیریب امریکا نی افغانستان هوا حریمینی نقض قیلیش گه عیبله‌گن.
مجاهد نینگ کوپه‌یتیریشیچه: «بو اوچاق‌لر شبهه‌سیز امریکا گه عاید دیر و یقین مملکتلردن افغانستان گه کېره‌دی. برچه مملکتلر بوتوغریده‌گی مسوولیتینی بیلیب و بو باسیم گه چېک قوییشلری کېره‌ک.»
عین‌حالده ینگی‌لیکده دونالد ترمپ نینگ سابق دستیاری کریستوفر کوستا، افغانستانده داعش نی مغلوب قیلیش اوچون طالبان بیلن واشنگتن استخباراتی نینگ همکارلیک قیلیشی «ناخوش» بولسه ده، بیراق ضروری‌لیگینی اېتگن.
