کامرون: ایران سپاه پاسداران نی تروریستی تشکیلات اوله‌راق قبول قیلیش بریتانیا اونیمیگه اېمس
بریتانیا تشقی ایشلر وزیری دوید کامرون گه کوره، ایران سپاه پاسداران نی «تروریستی تشکیلات» رویخطی گه کېریتیش لندن نینگ تهران بیلن دیپلماتیک مناسبتی کېسیلیشی گه سبب بوله‌دی و مملکت نینگ منفعتی گه توغری کېلمه‌یدی.
کامرون ۳۰ اپریل، سه‌شنبه کیچه بریتانیا پارلمانی خلق‌ارا مناسبت‌لر و دفاعی کمیته ییغیلیشیده، سپاه پاسداران اوشبو مملکت تحریملری رویخطیده بوتونلی کېریتیلگن و اونی «تروریستی تشکیلات» اوله‌راق قبول قیلیش بو مملکت منفعتی گه توغری کېلمسلیگینی اېتگن.
اونینگ کوپه‌یتیریشیچه: «ایران نینگ قیله‌یاتگن ایشلری ناقانونی لیگی و اونگه قرشی اقدام قیلیش اوچون ایران گه باسیم کېلتیریشی‌میز کېره‌ک، تحریم رویخطی ده کېریتیلگنی حقیده آگاه‌لنتیریشی‌میز لازم.»
اسکای‌نیوز نینگ گزارشی اساسیده، بریتانیا تشقی ایشلر وزیری نینگ کوپه‌یتیریشیچه، حاضرگی کونده لندن و تهران نینگ دیپلماتیک مناسبتی «ضعیف» دیر، بیراق سپاه پاسداران «تروریستی تشکیلات» اوله‌راق قبول قیلینیشی بو مناسبت یکونیگه سبب بولیشیدن آگاه‌لنتیرگن.
کامرون نینگ کوپه‌یتیریشیچه: «اویله‌شیمچه، بو اقدام [سپاه پاسداران تروریستی تشکیلات رویخطی گه کېریتیلیشی] بریتانیا نینگ منفعتی گه توغری کېلمه‌یدی. بو اقدام نه‌فقط مناسبت‌‌لرنی کوچه‌یتیرمه‌یدی بلکه تورلی بعدلردن اونی ضعیف قیله‌دی.»
بریتانیالیک اوشبو ییریک دیپلمات ایکّی هفته آلدین اسراییل گه سفری دایره‌سیده، لندن ایران سپاه پاسداران نی «تروریستی تشکیلات» اوله‌راق قبول قیلمسلیگینی بیلدیرگن اېدی.
کامرون اوشه پیتده: «ایران تشقی ایشلر وزیری مینی دوستیم اېمس بیراق تلفون آرقه‌لی گپیریشی‌میز کېره‌ک. شونی اوچون سپاه نی تحریم قیلیش احوال یخشی‌لنیشی گه یاردم بیرمسلیگینی» اېتگن اېدی.
ایتیش کېره‌ک که ایران سپاه پاسداران نی بریتانیا تروریستی تشکیلات‌لر رویخطی گه کېریتیش موضوع‌سی قریب ایکّی ییل آلدین ایران فقرالری نینگ ناراضی‌لیگی سرکوب اېتیلیشیدن سۉنگ بیان بولگندی.
عین‌حالده، نیچه کون آلدین بریتانیا-اسراییل پارلمانی دوست‌لیک گروهی، بریتانیا باش وزیری ریشی سوناک که مکتوب یوللب سپاه پاسدران نی اوشبو مملکت نینگ تروریستی تشکیلات‌لر رویخطی گه کېریتیشینی طلب قیلگن اېدی.
بو گروه نینگ ایشانچی گه کوره، سپاه پاسداران نینگ چېگره‌دن تشقری اقدامی بریتانیا نینگ خواطری گه سبب بولگن.
