ایران زاهدان ده قوراللی توقنشوو ده بیر کیشی هلاک بولیب و اوچ کیشی یره‌لندی
ایران زاهدان شهری ده قوراللی توقنشووده چمه‌سی بیر کیشی هلاک بولیب و باشقه اوچ کیشی یره‌لنگن.
ایرنا دولت آژانسی نینگ گزارشی اساسیده، بو توقنشوو ۴ می، شنبه کونی شام پیتی زاهدان کوثر سرکیده یوز بیرگن.
ایران آژانس‌لری اوشبو توقنشوو دلیلینی «نیچه کیشی اۉرته‌سیده‌سیده‌گی قرشی‌لیک» عنوان قیلگنلر.
شو بیلن بیرگه، «حال‌وش» تلگرام کانالی اۉز منبعلری گه تیه‌نیب خوفسیزلیک کوچلر زاهدان شهریده ناتانیش قوراللی کیشیلر بیلن توقنشگن و بو توقنشوو ایکّی ساعت دوام اېتگن.
اوشبو هجوم مسوولیتینی حاضرگچه هېچ گروه تن آلمه‌گن بولسه ده، بیراق اوشبو ییل اپریل آی ده سیستان و بلوچستان ایالتی نینگ جنوبی ایکّی شهری، امنیتی کوچلر و جیش‌العدل اعضالری اۉرته‌سیده توقنشوو گواهی بولیب و ۲۰ دن آرتیق کیشی هلاک بولگندی.
جیش‌العدل گروهی حاضرگچه نیچه مراتبه سیستان و بلوچستان ده ایران سپاه و چېگره‌چیلری بیلن توقنشیب و اولر دن بیرقطارینی گرو گه آلگن یا که اۉلدیرگن.
شبه‌نظامی و ایران حکومتی گه ضد بو گروه، تهران و غرب بیر قطار دولتلری اینیقسه امریکا تامانیدن تروریستی تشکیلات تانیله‌دی.
